nuzba

From Lojban
Jump to: navigation, search
nuzyfle
(to zoi zoi English version zoi toi)

ni'o ni'o nuzba

ni'o nuznoi de'i li 2017 pi'e 01 pi'e 04

.i la uakci cu gubgau pa xe fanva be lo pemci be fi la visuuavas cimborskas be'o be'o poi se cmene lu no da re roi fasnu li'u

ni'o nuznoi de'i li 2016 pi'e 11 pi'e 12

.i la guskant cu gubgau pa to'e cfika skina poi se cmene lu lo vliraitru li'u

ni'o nuznoi de'i li 2016 pi'e 11 pi'e 06

.i la uakci cu gubgau pa xe fanva be lo pemci be fi la visuuavas cimborskas be'o be'o poi se cmene lu sorxaizu'e sei catlu li'u

ni'o nuznoi de'i li 2016 pi'e 10 pi'e 13

.i la lalxu cu gubgau pa cnino prosa poi se cmene lu la melbi e le ractu li'u

ni'o nuznoi de'i li 2016 pi'e 6 pi'e 1

.i la selpa'i cu gubgau pa cnino tordylisri poi se cmene lu mi za'o citno li'u

ni'o ni'o ba'o nuzba

ni'o nuznoi de'i li 2016 pi'e 4 pi'e 28

.i la guskant cu gubgau la skaborfe'a ku no'u lo selsa'a co pante be lo ka vliraitru kei po la gleki ge'u jo'u lo ka vliraitru cinmo kei po lo pa lojbo cecmu

ni'o nuznoi de'i li 2016 pi'e 1 pi'e 30

.i la ponjboci'ogri cu gubgau lo pdf datnyvei be fi'o jdima noda be'o noi lo prina be ke'a cu se vecnu de'i li 2015 pi'e 11 .i lo pamoi be lo re pagbu cu ve skicu la lojban bau lo banjupunu .i lo romoi cu jufra fi la lojban fi'e la cogas jo'u la niftyg jo'u la sidas

ni'o nuznoi de'i li 2016 pi'e 1

.i pa re'u gubni fa la'o gy Progress gy no'u lo cedrymi'u zgike be fi'e la'o sy Erik Natanael Gustafsson sy be'o noi se pagbu lo lojbo jufra ku'o bu'u la'o sy Högskolan för scen och musik sy

ni'o nuznoi de'i li 2015 pi'e 12 pi'e 25

.i la masatos xagiuaras cu finti la zmifanva ku no'u lo banjubu'o joi bangenugu ke lairtcinyske ke minji fanva proga

ni'o nuznoi de'i li 2015 pi'e 11 pi'e 23

.i la ponjboci'ogri cu vecnu lo girzu cukta bu'u lo zasni zarci

ni'o nuznoi de'i li 2015 pi'e 10 pi'e 7

.i la guskant cu gubgau la bripre ci mo'o no'u «la'au lo no valsi li'u» noi zgike ji'u «la'au ni'o ni'o da'a mo'o notci la si li'u» noi jufra fi'e la iesk

ni'o nuznoi de'i li 2015 pi'e 8 pi'e 18

.i la djemynai cu gubgau la «tensaĭa» ku noi ra'apxu selsa'a be bau la .lojban. .i ji'a lo xe fanva be fi lo glico cu gubni

ni'o nuznoi de'i li 2015 pi'e 8 pi'e 7

.i lo javni be lo nu lo cmevla cu se sruri lo depybu'i kei mo'u se zanru gi'e jai se stidi vau lo cmima be byfy .i ta'o byfy co'a gubgau lo ri nuzyfle bu'u la .tu'iter.

ni'o nuznoi de'i li 2015 pi'e 7 pi'e 31

.i la ponjo lojbo citno girzu cu ba vecnu lo lojbo tertcidu cukta bu'u lo zasni zaisle noi vo'a joi lo spero cu jitro ke'a

ni'o nuznoi de'i li 2015 pi'e 7 pi'e 28

.i byfy no'u la baupla fuzykamni be fi la lojbangirzu cu co'a cuntu bu'u lo mriste po'u la'o zoi bpfk-list zoi .i casnu mu'a lo javni be lo nu cmibi'o kei .e lo nu cmicu'a be'o .e lo du'u xu kau lo jbobau ba ro pa mei lo bangu poi se pilno la kamni

ni'o nuznoi de'i li 2015 pi'e 7 pi'e 12

.i la .cogas. cu gubgau la'e lu claxu be do crisa li'u noi selsa'a bau lo lojbo

ni'o nuznoi de'i li 2015 pi'e 6 pi'e 28

.i lo fuzraikamni be la lojbangirzu cu cmicu'a ja'e lo nu la'o zoi Robert LeChevalier zoi cu za'u re'u kagja'a .i la'o zoi And Rosta zoi cu co'a vipsi kagja'a .i la'o zoi Riley Martinez-Lynch zoi cu co'a ci'arse'u je baxpre .i io ckire la'o zoi Veijo Vilva zoi noi ba'o vipsi kagja'a ku'o .e la'o zoi Robin Lee Powell zoi noi pu ze'u ci'arse'u je baxpre

ni'o nuznoi de'i li 2015 pi'e 6 pi'e 21

.i la djemynai cu gubgau la'au za'o li'u no'u lo albuma be lo selsa'a be bau la lojban

ni'o nuznoi de'i li 2015 pi'e 6 pi'e 15

.i piro lo co'a morsi pe'a korpora be bu'u la corpus.lojban.org cu se nurgau la guskant joi la danr gi'e co'a te sisku fi la korpora zei sisku

ni'o nuznoi de'i li 2015 pi'e 5 pi'e 5

.i la guskant joi la tijlan co'a gubgau lo skina be lo selsa'a no'u la'au ro lo ma'a datka li'u to la'o dy Alle meine Entchen dy noi se fanva la selpa'i toi

ni'o nuznoi de'i li 2015 pi'e 5 pi'e 4

.i la'o zoi Corbin Simpson zoi cu gubgau la cicricfoi bartu ku to la'o zoi It's a Jungle out There by Randy Newman zoi toi noi remoi be lo lojbo selsa'a be vo'a

ni'o nuznoi de'i li 2015 pi'e 4 pi'e 23

.i la gleki cu te nuzba lo farvi no'u la muplis noi tutci lo nu sutra lo nu zvasisku fi lo korpora be lo lojbo mupli tedi'o la'o zoi tatoeba.org zoi

ni'o nuznoi de'i li 2015 pi'e 4 pi'e 20

.i lo nu la lojbangirz cu jdijmaji kei be de'i'e li 2014 cu mulno .i ki'e lo ro cmizu'e

ni'o nuznoi de'i li 2015 pi'e 2 pi'e 26

.i la'o zoi Corbin Simpson zoi cu gubgau la galmauloi ku to la'o zoi Higher Ground by Stevie Wonder zoi toi noi pamoi be lo lojbo selsa'a be vo'a

ni'o nuznoi de'i li 2012 pi'e 10 pi'e 1

.i la iocikun cu co'a gubgau la cakyrespa ku no'u lo lojbo me la'o zoi LOGO zoi

ni'o nuznoi de'i li 2012 pi'e 9 pi'e 17

.i la iocikun cu co'a gubgau la lojysamban no'u lo lojbo me la'o zoi Prolog zoi

ni'o li'o [1]

ni'o nuznoi de'i li 2012 pi'e 2 pi'e 24

.i la'e zoi gy. Alice in Wonderland .gy. lu'u no'u lo cukta be fo lo verba cu se fanva la'o gy. xorxes .gy. la lojban. gi'e pelji se prina

ni'o nuznoi de'i li 2011 pi'e 6 pi'e 23

.i lonu cfari fa le jbonunsla cu se tcika li ji'i 9 ma'i la'o zoi. PDT .zoi. li 2011 pi'e 7 pi'e 2 le xotli be la'o zoi. San Mateo USA .zoi. bei me'e la'o zoi. Holiday Inn .zoi.

ni'o nuznoi de'i li 2011 pi'e 3 pi'e 9

.i li pi'e ci cu detke'u li pa lo nu cfagau lo ponjo bangu ke me la gugl girzu po'u la'o zoi. lojban-soudan .zoi.

ni'o nuznoi de'i li 2011 pi'e 1 pi'e 26

.i tezu'e lonu la lojban. cu zenba loka cinri lo selgu'e be la indias.kei kei lo xelfanva be tu'a lo pamoi mutpapri be ti be'o bei lo xinbau .e lo banku'anu cu seljmina fi le se mutpapri

ni'o nuznoi de'i li 2010 pi'e 12 pi'e 18

.i xu do cnino tadni la lojban gi'e bredi lonu pare'u tcidu lo la .lojban. cukta .i xu do makcu tadni gi'e djica lonu jarco tu'a la .lojban. lo do verba .iseju .e'u ko catlu lo cnino xelfanva be la'e zoi gy. If I had a Pet Dinosaur .gy.

ni'o nuznoi de'i li 2010 pi'e 11 pi'e 18

.i lo menli cartu cu se finti sera'a lo vlalei .i su'anai ra plixau lo nintadni pe sekai lo viska mo'isro tepi'o lo cilre sidju .i .e'u ko catlu le mutpapri pe me'e la'o gy. Learning .gy. tezu'e lonu facki fi lo co'a cilre tadji

ni'o nuznoi de'i li 2010 pi'e 10 pi'e 12

.i le nanca nunjmaji be la lojbangirz. cu mulno .i la robrt.lecevalier. jo'u la arnt.rikard.iuxansen. jo'u la rabin.lis.pau,el. za'ure'u se cuxna ja'e lonu cmibi'o lo fuzraikamni .i la timos.paulsen. jo'u la veion.vilvan. cu binxo lo cnino cmima

ni'o nuznoi de'i li 2010 pi'e 9 pi'e 9

.i la'e zoi gy. The Moon and the Cap .gy. lu'u no'u lo cukta be fo lo verba cu se fanva la'o gy. Remo Dentato .gy. la lojban.

ni'o nuznoi de'i li 2010 pi'e 8 pi'e 17

.i lonu cfari fa le nanca nunjmaji be la lojbangirz cu se tcika li ji'i 13 ma'i la'o zoi. EDT .zoi. li 2010 pi'e 8 pi'e 21 le snustu po'u la'o zoi. llg-members .zoi.

ni'o nuznoi de'i li 2010 pi'e 7 pi'e 4

.i loi jbopre po'u la'o zoi. Jorge Llambias .zoi. jo'u la'o zoi. Leon Molas .zoi. cu stidi tu'a lo mulno selcmi be lo fu'ivla be tu'a lo gugde .e tu'a lo bangu .e tu'a lo rupnu be'o bei ji'u lo mifra be fi la'o zoi. ISO .zoi. .i ko catlu fy noi judri diklo

ni'o nuznoi de'i li 2010 pi'e 6 pi'e 22

.i loi gismu pacinonomei ku jo'u loi rafsi pe ri ca mo'u se punji fi lo se mutpapri poi se cmene la'o zoi. Quizlet .zoi. .i ra se cmigau fi rebi selcmi fi'o te jmina lo paxabimei .i lei so'imei be le'i selcmi noi se cmigau lo frica cu filgau lo nu morji tu'a lo jbovla. .i zu'unai la esperanton. fa'u la. interlinguas. fa'u la tokis.ponas. fa'u la. .idon. fa'u la klinon. ckaji loka ponse rezevo cmima fa'u rere cmima fa'u rere cmima fa'u pabi cmima fa'u pano cmima

ni'o nuznoi de'i li 2010 pi'e 5 pi'e 3

.i la'e zoi gy. Berenstain Bears Get in a Fight The Berenstain Bears Get in a Fight .gy. lu'u se fanva fi la lojban. .iji'a ra te snavei .i tezu'e lonu tirna le snavei kei ko cpacu la'e zoi gy. totus reads The Berenstain Bears Get in a Fight .gy.

ni'o nuznoi de'i li 2010 pi'e 3 pi'e 10

.i so'o tadni pe lo la seint.andrus. balcu'e ku noi zvati le kotygu'e cu zbasu lo la lojban. bende

ni'o nuznoi de'i li 2010 pi'e 3 pi'e 2

.i la'o gy. Where are your keys? .gy. cu filta'a bangu se ci'erkei. .i la alyn.post. cu favgau ri la'e lu lo do ckiku ma zvati li'u tezu'e lonu sidju fi lonu cilre la lojban.

ni'o nuznoi de'i li 2010 pi'e 2 pi'e 19

.i lo cmizu'e be tu'a lo snukarni ku po'u la'o gy. The Sporum .gy. cu vi'ecpe fi lonu casnu la lojban.

ni'o ni'o pinka

  1. .i lo drata nuzba cu sorcu bau lo bangenugu pa moi ja re moi