Codex Woldemar

From Lojban
Jump to navigation Jump to search

.i zoigy. Codex Woldemar .gy. cu xajmi cmene le gerna cukta pe fi'e la jan.kau,n.

.i pare'u cmene fi la .and.rostas., noi pilno zoigy. Woldemar Codex .gy. vi la'ogy. http://balance.wiw.org/~jkominek/lojban/9709/msg00081.html .gy.

.i se finti ki'u leka zoigy. Woldemar gy. noi sidju cmene la .djan.kau,n. cu rirci

.i zoigy. Codex .gy. no'u zo kodeks. cu latmo cmene lo selpapri ke cukta tarmi .i loi citri vajni selpapri cu so'iroi se cmene zoigy. Codex gy. ce'o le cmene be le diklo jonai pu ponse be le cukta

.i mu'ubo le slabu se tcidu pe le xriso jdabalcukta (to krinu lenu rivbi le smuni be zo balcukta poi pu se stidi toi) cu ralju renvi vi vo cukta po'u la'ogy. Codex Vaticanus .gy. jo'u la'ogy. Codex Alexandrinus .gy. jo'u la'ogy. Codex Sinaiticus .gy. jo'u la'ogy. Codex Bezae .gy.

.i lenu te cmene le gerna cukta lo vasru be zo .kodeks. cu li'a jimpyri'a ledu'u le gerna cukta cu simsa le banli ke slabu cukta leni vajni le cecmu

ni'o zoi ly Codex Waldemarius ly zoi ly Codex Waldemarae ly lo drata zo'u ma drani

.i ganai le cukta cu se cmene zo'e pe lo tcadu; gi le sumti skici selbri (to zoigy. adjective gy.toi) cu se pilno .i lenu le cukta cu se cmene lo pu ponse na cafne .i ku'i pe'i lenu pilno lu'e le ponse cu sarcyri'a lenu ponse le po zei tarmi (to zoigy. genitive gy.toi) .i mu'ubo la vatikanum. .e la .aleksandrias. .e la siNAIS. cu stuzi .i ku'i la .te'odor.bezas. cu prenu .i ku'i mi ji'a facki zoigy. Codex Serafinianus nefi'e la luidjis.serafinis.

.i lenu li'a te cmene la kodeks. le finti be le seltcidu cu to'e cafne ki'u le so'aroi ka su'ore cukta pe zo kodeks. cu fukpi le mintu selfinti gi'e seni'ibo se cmene mu'i lenu frica tcita

.i ni'iku fau le cizra nu tavla fi le gerna cukta le latmo kei; cu drani pe'i fa zoigy. Codex Waldemari .gy. (to .i la saksos.gramatikus. noi slabu gugdrdanska citri vreji cu pilno zoigy. Waldemarus .gy. .enai zoigy. Waldemara .gy. lenu te cmene lo gugdrdanska noltru poi la'a tu'a ke'a jicmu le ca cmene toi)