lo so'i pemci be fi la tsani

From Lojban
Jump to: navigation, search

.i di'e pemci fi la tsani .i finti so'iroiku ca lo nunctu .i ko jungau naku lo ctuca


la nu prami fapo'o lo lunra lo solri

seisa'a la tsani de'i li 2012 pi'e 11 pi'e 23 bu'u lo glibaununctu cu finti

 .i lo solri cu canci fi'o jersi lo lunra
 noi lo ke'a gusni cu mintu lo me vo'a moi
 .i ly noi nonselkanynaldji cu bajra
 fi'o nicte murse tolfa'o selsku zo coi
 *
 .i lo drata tarci cu tolcanci sutra
 .i seri'abo gusni zenba milxe
 .i seva'obo ly. badri litra
 .i lo drata tarci cu klaku lo rirxe
 *
 .i lo sy. flira cu minra co solji
 .i lo sy. voksa cu xumki lo selsne
 .i ly je'a lenku co tcecoldji
 lo sa'u nunjbi noi ku'i tolkanpe
 *
 .i lo nunje'i cu cimni co ditcu
 mu'i sa'e lo nunprami nu nitcu

la nu klaku be lo nu prami

.i lu

 .i do mi se jaise facki fai
 lo ka zutse lo zdani crane
 ze-'u pi ro lo manku nicte
 .i bu-'u jinru lo nu pensi
 .i ki-'u bo lo nu pensi do
 zo-'u mi jdika lo ni cinmo
 lo ka ce-'u se kansa no da
 .i lo snime pe lo mi pruxi
 cu runme iu fi-'o se binxo
 lo se klaku be lo pampe-'o

li'u

la risna bisli

.i lu

 .i bu'u lo kanla be do doi selpa'i be mi
 ku fagri lo do pruxi ku iu vau za'a
 .i se badri mi fa lo uinai ja'a nu
 mi kakne na ku lo ka sidju do vau uu
 *
 .i lo nu mi xanka cu se jinru ro lo mi
 nu se jai se senva do fai lo ka jmive
 .i fe'e ba pe'a lo bavla'i co nu penmi
 ku binxo co risna be mi nenri co snime
 *
 .i ku'i runme fa lo badri bisli be bu'u
 lo besna lo nu jbisi'u fa mi ce do iu
 .i ku'i lo nu denpa je'a bo lo nunvi'a
 lo nunji'e cu simlu lo ka cimni binxo
 *
 .i ma vamji lo mi ca du'u zukte makau
 .i ma mi se jerna co nu prami be caku

li'u