la mimis. .e la .iuNIZ.

From Lojban
Jump to navigation Jump to search

la mimis. .e la .iuNIZ.

ni'oni'oni'o la mimis .e la .iuNIZ.

ni'o la .uuZIT. fanva lo lisxra po'u la'o gy.Mimi and Eunice.gy. goi my. .i la mimis. clani se kerlo .i la .iuNIZ. korcu se kerlo

.i my. se finti la'o gy.Nina Paley.gy. .io .i zoi gy.http://mimiandeunice.com/.gy. urli my. pe bau la glicybangu .i la'o gy.CC BY-SA 3.0.gy. javni lo nu co'e my.

ni'o lo'e nu fukpi cu nu prami .i .e'o ko fukpyzukte gi'e bevri

ni'oni'o pamo'o lo'e selcni

ni'o pamai la mimis. klaku .i la .iuNIZ. cusku lu ko mo'u klaku doi mimis. to'isa'a remai toi .i lo'e selcni na fatci li'u .i cimai my. cusku lu fatci fa lo du'u mi badri li'u

ni'oni'o mumumo'o lo jdaselsku

ni'o pamai la mimis. nonkansa .i fe my. jdaselsku fa lu doi cevni ko cikre lo pi ro raktu be mi ca ku li'u .i remai my. denpa lo nu frati .i ku'i lo se go'i na fasnu .i cimai my. klama la .iuNIZ. gi'e cusku lu .i lo ro cevni na zasti li'u

ni'oni'o xaremo'o lo nu pagbu zanru lo prami

ni'o la .iuNIZ. krixa cusku lu ko xrukla li'u .i remai la mimis. xrukla .i .ibu cusku lu .i je'u mi na kakne lo nu mulno zanru lo'e nu prami to'isa'a cimai toi .i ku'i mi kakne lo nu ba'e pagbu zanru ri li'u

ni'oni'o panosomo'o lo zerle'a

ni'o pamai la mimis. cusku lu lo'e nu fukpi cau lo selcru cu nu zerle'a .i remai la .iuNIZ. cusku lo se go'i .i cimai my. fu'esku .ibu lo du'u ce'u zerle'a

ni'oni'o paxavomo'o claxu lo nu pleji

ni'o pamai la mimis. cusku lu palci fa lo nu te dunda to'isa'a remai toi .i go da pilno de gi .au da pleji fo de li'u .i cimai la .iuNIZ. cusku lu .i do dejni lo rupnu be li reno mi lo nu tinju'i di'u li'u

ni'oni'o pabimumo'o lo nuncru

ni'o pamai la mimis. dasni lo nolmapku gi'e cusku lu ro da zifre .i ku'i ri nitcu lo nu mi curmi .i remai la .iuNIZ. cusku lu .e'u vimcu lo nu curmi li'u .i cimai my. cusku lu ko vimcu lo stedu ti to'isa'a my. toi li'u

ni'oni'o pasosomo'o lo notci fi lo ro remna

ni'o pamai la mimis. jarco tu'a lo plekarda la .iuNIZ. gi'e cusku lu le ti pemci cu notci fo lo ro remna li'u .i .ibu lebna lo plekarda .i remai pemci fa lu doi bebna mi xebni do co'o mi'e mimis. li'u .i .ibu tcidu lo go'i .i cimai .ibu fesygau lo plekarda gi'e cliva .i my. badri je krixa cusku lu .i noda ckire mi lo ka ce'u certu li'u

ni'oni'o remunomo'o lo'e pavdei

ni'o pamai la mimis. cusku lu mi prami lo'e pavdei li'u .i remai la .iuNIZ. cusku lu pi ro bebna poi seljibri cu di'a gunka li'u .i cimai my. cusku lu ri .uu nai li'u .i .ibu cusku lu mi prami lo'e pavdei li'u

ni'oni'o remumumo'o lo si'o ponse

ni'o pamai la mimis. catlu lo bitmu .i la .iuNIZ. cusku lu mi zbasu ta to'isa'a lo bitmu toi lei terfa'i je tolcnino marju ku po'o li'u .i remai my. lebna lo dizlo bliku ca lo nu my. cusku lu mi ponse lo ti bliku li'u .i cimai lo bitmu cu spoja lo bliku

ni'oni'o rezesomo'o roda se finti

ni'o pamai la mimis. cusku lu fe ro da pu ba'o finti li'u .i remai la .iuNIZ cusku lu go'i to'isa'a cimai toi .i ku'i ba'e do na go'i li'u

ni'oni'o rebimumo'o lerci

ni'o pamai la mimis farlu gi'e cladu ke krixa cusku zo .ii .i remai my. janli lo loldi .i cimai la .iuNIZ. klama gi'e cusku lu mi ba kavbu do li'u

ni'oni'o cipazemo'o

ni'o pamai la .iuNIZ. cusku lu ro prenu cu xebni mi li'u .i remai la mimis. cusku lu ro prenu cu ba'e prami do to'isa'a cimai toi .i ku'i lo go'i na ca djuno la'e di'u li'u

ni'oni'o cirexamo'o lo ka bebna cu zekri

ni'o pamai la mimis. cusku lu .au lo ka bebna cu zekri li'u .i remai la .iuNIZ. cusku lu la'e di'u traji lo ka bebna fo lo'i se tirna be mi to'isa'a cimai toi .i do pinfu li'u

ni'oni'o civonomo'o tunta

ni'o pamai la mimis. ta'e tunta la .iuNIZ. .i remai .ibu fengu cusku lu le'o ko sisti li'u .i my. sisti .i cimai my. cusku lu mu'i ma do fengu li'u .i .ibu se fanza

ni'oni'o cimucimo'o na nitcu lo nu gleki

ni'o pamai la .iuNIZ. klaku .i la mimis. cusku lu mu'i ma do klaku li'u .i .ibu cusku lu lo nu mi na gleki li'u .i remai my. cusku lu do na nitcu lo nu gleki li'u .i .ibu mo'u klaku .i cimai .ibu gleki cusku lu go'i .ui sai li'u

ni'oni'o cibiremo'o lo selstela minji

ni'o pamai la mimis finti lo minji gi'e cusku lu mi seltelgau lo selfi'i be mi to'isa'a remai toi tezu'e lonu no da kakne lo nu mabla gafygau ri li'u .i cimai lo minji cu spofu .i la .iuNIZ. cusku lu noda kakne lonu cikre ri li'u

ni'oni'o cibizemo'o lo pe'a kalci

ni'o pamai la mimis. klaku .i la .iuNIZ. cusku lu lei djacu cu flecu fo lo kanla be do li'u .i remai my. cusku lu mi djuno lo du'u go'i to'isa'a cimai toi .i mi vikmi lo pe'a kalci ne'i lo stedu be mi li'u

ni'oni'o vopapamo'o lo trucu'u

ni'o trucu'u .i pamai la mimis. cusku zo le'o .i la .iuNIZ. cusku zo ga'i .i remai my. cusku lu le'osai li'u .i .ibu cusku lu ga'isai li'u .i cimai my. cusku lu le'ocai li'u .i .ibu cusku lu ga'icai li'u

ni'oni'o vorecimo'o le fukpi minji

ni'o pamai la .iuNIZ. cusku lu lo'e kacma cu fukpi minji .i lo'e skami cu fukpi minji li'u .i remai la mimis. cusku lu xo lo'e remna cu fukpi minji li'u .i .ibu cusku lu na sai go'i to'isa'a cimai toi .i ri fukpi ba'e danlu li'u

ni'oni'o vociremo'o lo xatra

ni'o la mimis. ciska fi lo xatra gi'e mutce klaku .i my. bevri lo xatra .i .ibu tcidu lo xatra .i notci fa lu doi .iuNIZ. mi gleki .i pei .i co'o mi'e mimis. li'u

ni'oni'o vovopamo'o naka'e pelji lo nunpa'i

ni'o pamai la mimis. cu cusku lu da naka'e te vecnu lo nunpa'i li'u .i la .iuNIZ. cu cusku lu ku'i da ka'e te zasyve'u ri li'u .i remai my. cusku lu da naka'e citka lonu misno li'u .i .ibu cusku lu ku'i da ka'e jukpa sipi'o ri li'u .i cimai my. cusku lu da naka'e cikre lo bebna li'u gi'e se fanza cliva .i .ibu cusku lu ku'i ka'e da pa'ergau ri li'u

ni'oni'o vovosomo'o no'e prami

ni'o pamai la mimis. cusku lu mi no'e prami do li'u la .iuNIZ. .i remai .ibu cusku lu go'i ra'o li'u .i cimai my. jo'u .ibu cusku lu .i mi'o so'e da selkampu li'u

ni'oni'o vomucimo'o lo selcni

ME 453 StompTheFeeling animated jbo.gif

ni'oni'o vomuxamo'o lo kamvudypai

ni'o pamai la mimis. cusku lu lo kamzi'e na dunli lo kamvudypai lo ka vajni li'u .i remai fi la .iuNIZ. preti fa lu ma djice lo du'u ma kau vudypai li'u .i cimai my. spuda fi zo mi

ni'oni'o vomusomo'o lo nu celgunta

ni'o pamai la .iuNIZ. jgari lo cmacelxa'i fa'a la mimis. .i my. krixa cusku lu .ii cai li'u .i remai .ibu cusku lu .i mi na platu lo nu celgunta li'u .i cimai my. cusku lu ko punji ti to'isa'a lo celgunta toi lo loldi va'o lo nu go'i li'u .i .ibu cusku lu vi'o nai .i xu do na lacri mi li'u

ni'oni'o voxavomo'o lo nu ckire

ni'o pamai la mimis. cusku lu va'o lo nu mi zvati le xlali stuzi kei mi pensi pi ro co'e poi mi ckire fi ke'a li'u .i remai la .iuNIZ. cusku lu do mo va'o lo nu do zvati le ba'e xamgu stizu li'u .i cimai my. cusku lu xanka li'u

ni'oni'o vozenomo'o lo mulno jufra

ni'o pamai la mimis. cusku lu lu na go'i li'u jufra li'u .i remai la .iuNIZ. cusku lu lu lu lu na go'i li'u jufra li'u jufra li'u .i cimai my. cusku lu lu lu lu na go'i li'u jufra li'u jufra li'u jufra li'u

ni'oni'o vozezemo'o nunjundi nunjundi

ni'o pamai la .iuNIZ. cusku lu do na jundi mi li'u la mimis. .i remai my. cusku lu jo'a go'i to'isa'a cimai toi .i do na jundi lo nu mi jundi do li'u

ni'oni'o vobicimo'o kecti

ni'o pamai la mimis. ruble klaku .i la .iuNIZ. cusku zo .uu .i remai my. fengu cusku lu mi na djica lonu do kecti li'u .i cimai .ibu cusku lu .uu sai li'u .i my. mutce se fanza

ni'oni'o vobibimo'o to'e cilre

ni'o pamai la mimis. fulta loi vacri .i la .iuNIZ. cusku lu ma ve celre lo nu co'e li'u .i remai my. cusku lu na'i mi na cilre ri to'isa'a cimai toi .i mi to'e cilre lo nu na co'e li'u

ni'oni'o vobisomo'o capyju'i pleji

ni'o pamai la mimis. pleji zo'e la .iuNIZ. .i .ibu cusku lu ma ve pleji li'u .i remai my. cusku lu lo nu na gunta mi li'u .i cimai my. cusku lu .i lo nu dukse lo ka capyju'i kei kei na cumki li'u .i my. pleji zo'e lo drata prenu

ni'oni'o vobinomo'o na pleji

ni'o pamai la .iuNIZ. gunta la mimis. .i remai my. cusku lu mu'i ma do gunta mi li'u .i cimai .ibu cusku lu lo nu do na pleji fi mi lo nu na go'i li'u

ni'oni'o vosopamo'o dukse lo ka capyju'i

ni'o pamai la mimis. cusku lu na cumki lo nu dukse lo ka capyju'i li'u .i remai la .iuNIZ cusku lu ja'a go'i li'u .i my. cusku zu .ii .i cimai my. cusku lu .i ma bandu mi lo cnino nu go'i

ni'oni'o murebimo'o lo velne'u

ni'o pamai la .iuNIZ. cusku lu .uo mi pu ba'o fanmo lo nu mi djicai le nu bartu cnemu to'isa'a remai toi .i lonu na kurji lonu le drata cu jinvi makau mi cu traji lo ka cnemu ku fo lo ro velne'u .i cimai la mimis. cnemu .ibu .i .ibu fengu cusku lu .oiro'a li'u

ni'oni'o muciremo'o na ze'e ba xrani

ni'o pamai la mimis. cusku lu mi na ze'e ba xrani do li'u .i remai la .iuNIZ. toltu'i frumu .i cimai my. cusku lu sa ba sanji lo nu djica lo nu xrani do li'u .i .ibu cusku zo .i'e

ni'oni'o mucicimo'o gasnu lo nu gleki

ni'o pamai la .iuNIZ. cusku lu do gasnu lo nu mi gleki li'u .i remai la mimis. cusku lu lo nu gleki kei .u'anai .i mi bilga tu'a lo nu mutce gleki li'u .i cimai my. cusku lu .i mi fliba li'u .i .ibu cusku zo su

Retrieved from "https://mw.lojban.org/index.php?title=la_mimis._.e_la_.iuNIZ.&oldid=124673"