cmacmarafsi

From Lojban
Jump to navigation Jump to search

lo'e cmacmarafsi cu rafsi gi'e pormei li re gi'e se tarmi lo'e zunsna ce'o lo'e na'e diftogo je karsna .i na'o pilno lo'e cmacmarafsi tai tu'a zoi ba. gismyra .ba. noi zo gismy ne ke'a cu brarafsi su'o gismu je noi zo ra ne ke'a cu cmacmarafsi

ni'o lo mukti

.i mukti lo nu pilno lo'e cmacmarafsi kei fa lo nu so'i gismu poi cafne fa lo nu ke'a pormoi li ro lo'e ve jvajvo cu poi'i no rafsi be ke'a cu ge slakymei li pa gi poi'i fladra fa lo nu ke'a porfa'o lo'e valsi .i mu'a zo binxo cu poi'i ge lo cmarafsi be ke'a be'o po'u ra'oi .bi'o. cu reldu'i ke'a lo ka slakymei, gi lo cmarafsi be ke'a be'o po'u ra'oi .bix. na ka'e porfa'o su'o valsi .i mu'i ku de'i li ny. ji'i 2013 la selpa'i cu stidi lo du'u co'a rafsi nu'i mu'a zo binxo fa ra'oi .bi.

ni'o lo vlaturge'a srana

.i ma vanbi lo nu ka'e pilno lo'e cmacmarafsi, sei la'a do retpei .i mi ca stidi no satci pe la'e di'u .i pu ku mi ciskyfi'i su'o prosa poi va'o tu'a ke'a su'o javni zo'u stidi tu'a ri .i ku'i ralju lo'e noi za'u mei ku'o tcini be lo nu pilno lo'e cmacmarafsi kei fa lo nu ge ri porfa'o gi lo'e pa brarafsi cu porkra .i brijunfrili fa lo ka ka'e ta'i ce'u zanru fa lo'e gentufa lo bi'u nai tcini

ni'o lo rafsi se stidi

.i di'e zo'u lo zunle ce'o lo pritu cu porkifa'u lo ka pu'i ku ga'a mi su'o da stidi lo du'u ce'u ce'u rafsi .i .e'e do jmina lo srana be lo poi'i do jinvi lo du'u ke'a .inda lo ka su'o da ke'a cmacmarafsi

ba balvi
bi binxo
ca cabna
di jdika
du dunli
ja selja'e
ji seljibri
ma marji / zilzba / selkra
me mleca
ra srana / ckini
ri rinka
sa kansa
se sefsi
si simxu
to toltce
ze zenba
zu zukte

ni'o lo poi'i da'i ke'a ji'a do cinri