ckape litru

From Lojban
Jump to: navigation, search

ckape litru

i dei lisri le nu cpare lo cmana::
i go'i le nu sisku le ka manci::
le rirci xrula poi titla se panci::
zi'e poi ia xabju le traji cpana::
i ca le nu finti dei kei mi zgana::
le nu le romoi gusni pe le vanci::
sekai le ka lazni cu masno canci::
i le nu mi ciska dei cu se ckana::
i xu frili fa le nu mi le zdani::
cu cliva bai le banli mukti i na::
go'i i ju le te zukte cu trina::
i le pluta cu nandu gi'e clani::
i ca binxo le lerci i le tsani::
cu manku i ai mi catlu lo skina::

mi'e xorxes

de'i li 1994;05