UserWiki:Ilmen/ka'e ku lo prurai dinsauru cu cti'omni bu'u lo berti bolxadba

From Lojban
Jump to: navigation, search

ka'e ku lo prurai dinsauru cu cti'omni bu'u lo berti bolxadba

(to'i la .tcelsis.uait. lo se fanva be fu ti cu ciska .i la .ilmen. cu fanva fi lo jbobau toi)

ni'o je'u lo tupyjanco ka'e ticysku .i ca la 1888 moi la .xaris.govir.sileis. cu fendi pe'a lo dinsauru lanzu ricycartu lo re jimca poi fricysi'u tu'a lo ka tarmi lo tupyjanbo'u .i ku'i lo cnino nu lanli kei jalge cu kanzeri tu'a lo mulno nu refyganzu lo clira dinsauru se klesi lu'u je cu fapro lo na'o se sruma pe lo ka lo prurai dinsauru cu xabju ku jo'u lo ka ri citka

ni'o «lu ka'e ku ma'a iancu lo ka na ku zarcpa po'o je fau nai bo senpi pensi lo ti sidbo noi se jbetei lo nanca be li 130 li'u» se cusku la .matcus.baryn. bu'u la balcu'e pe la .kambridj. i «lu lo se si'onsi be la .sileis. ca ri fa'u ti mencre zabna fa'u cu to'e ca'arxe .i jalge lo nu lanli so'u dinsauru priro'i mupli li'u»

ni'o la .sileis. pu fendi loi dinsauru lo se tupyjanco be su'o cipni simsa be'o noi lo stegosauru je lo triserato vu'o noi spacti cu mupli ku'o jo'u lo se tupyjanco be su'o respa simsa be'o noi se menre su'o re'ucti poi lo tirnosauru cu menre ku'o jo'u su'o clani cnebo spacti poi lo .atpatosauru cu menre

ni'o ku'i la .baron. jo'u lo ri bende ge nai jundi ke po'o lo tupyjanbo'u gi 74 jutsi zo'u lanli tu'a 457 steci pe ri .i ja'e bo facki lo du'u 21 bogygreku tcila poi drata zo'u lo nu ri pagbu mo'oi kau dinsauru cu kanzeri tu'a lo ricycartu poi drata .i su'oi dinsauru poi zo'e pu jinvi lo du'u ke'a na simxu lo ka jutyjbi cu se kampu su'oi se menre be ge lo ka lo bonfemu be ce'u cu sirji je na slili'i se morna noi'a me su'o dinsauru poi lerci zmadu moi gi ge lo ka lo janco bongu cu clalai lo pilji be li ci bei tu'a lo birka gi lo ka lo pa moi be lo rixtu'e degzbe bongu be'o noi clani ke jamfu bongu na zvati lo jmacidni

ni'o «lu simlu lo ka tolvai je cmalu tcila ja cu vamcma mutce .i ku'i ca gi do cpacu lo derxi be lo datni cmalu be'o poi tai barda je cu stodi lo ka banro gi do co'a ja'a je'u sanji su'o pixra ja su'o cnino te ganzu li'u» se cusku la .kevin.padian. noi prumivyskepre se jibri bu'u la balcu'e pe la .kalifornias. ge'u ne la .byrklis.

ni'o lo cnino ricycartu poi sarxe lo bi'u nai se cedycpa tcila zo'u lo tirnosauru jo'u lo dinsrteropoda poi drata ri ku jo'u lo bi'u nai se tupyjanco be su'o cipni simsa cu zvati pa mlana .i je lo pa mlana poi drata cu zvati lo dinsrsauropoda noi lo .atpatosauru cu mupli jo'u lo jutyjbi be la .xererasaurus. noi reltu'edzu je re'ucti je cu jai se tolcri bu'u lo tcotu'a

ni'o ri'oi tricu stura pu nu'o se stidi su'o da soi se smusku la .suzanys.maidmynt. noi prumivyskepre bu'u la balcu'e pe la .braityn. (to zvati la .inglynd. toi) .i ku'i lo prenu pu ze'u sanji lo nu poi'a li'armi lo nu lo dinsauru jutsi cu farvi cu simsysi'u so'i da .i cusku «lu ri'oi prenu pu ze'e jinvi lo du'u nu smizenfarvi .i ku'i cumki fa lo nu je'u jitfa li'u»

ni'o ni'o lo dzena cu cti'omni

ni'o fi lo du'u ro lo re cnino jimca cu vasru ge su'o re'ucti gi su'o spacti kei fa lo bende pe la .baron. cu lojycpa lo du'u lo bavrai je voi lo ka se dzena ke'a cu kampu lo ro dinsauru ka'e je'u cti'omni

ni'o lo jalge cu kanzeri ke ji'a lo du'u lo krasi be lo nu lo dinsauru jutsi cu farvi cu zvati ka'e ku ge nai lo tcotu'a noi'a pu ze'u se zarcpa gi ja'a ku lo berti bolxadba .i ki'u bo bu'u ri kau tolcri lo priro'i be lo prurai cmima be lo cnino jimca

ni'o «lu simsa lo nu da'i su'o da poi'a suksa cu cusku «lu je'u lo jipci cu mabru je nai cipni li'u» li'u» se cusku la .maik.bentyn. noi prumivyskepre bu'u la balcu'e pe la .bristol. (to zvati la .inglynd. toi) .i «lu ku'i ma'a djuno so'i da lo jipci .i ja'e bo ma'a ka'e xusra lo du'u .inda lo ka se ckasu .i ku'i lo ti tcini zo'u na ku ro co'e zo'u mi'a plika'e su'o priro'i be ri mupli .i ja'e bo na ka'e xusra fau lo nu birti ku lo du'u se ckasu .inda li'u»

.i so'u ri'oi 21 tcila poi pe'a se jonsi'u lo re cnino jimca cu voi soi'a na'e tolyla'e zo'e gasnu lo cipra be lo ka jei ke'a ja'a jai drani .i ku'i va'o lo nu ra renvi lo ka se lanli zo'u lo se darlu be ri'oi bende na ka'e jai se nafsku li'u» se cusku la .benton.

fa'o

to'i tu'e za'e za'evla

«lu

fricysi'u clalai simsysi'u ricycartu tupyjanbo'u jutyjbi refyganzu vamcma cedycpa dinsrteropoda dinsrsauropoda smizenfarvi nafsku

li'u»

toi