Robin's Palm Writings: sampu snicmaci

From Lojban
Jump to: navigation, search

Robin's Palm Writings Category: sampu snicmaci

Navigation: Robin's Palm Writings Top-Level Index

Current Word Count: 2682

An algebra primer in Lojban. Written mostly as mekso practice.

ni'o cai sampu snicmaci

ni'o sai pa mo'o krasi lo nu ciksi

ni'o pa pi pa mo'o ciksi le dei cukta

ni'o pa pi pa pi pa mo'o le dei cukta cu plixau? ma

ni'o cukta dei fo da poi jimpe lo sampu cmaci mu'u lu li ci fe'i re du li pi ra'e xa li'u .i

notes about what is taught

ni'o pa pi pa pi re mo'o ctuca tadji ne'i le dei cukta

ni'o le dei cukta cu jarco lo te kanji se pi'o lo lerfu .e lo namcu .e nai lo lojbo ke mekso valsi .i ku'i lo mekso cu ji'a jarco bu'u lo fanmo be lo pagre .i se ni'i bo lo te kanji cu mekso lo lojbo ke kanji porsi .i sa'e ro velfancu sinxa cu velfancu lo lamji sinxa .i ji'a lo nu kanji lo zunle fancu cu ro roi purci lo nu kanji lo pritu fancu .i ku'i lo na'e lojbo mekso cu kanji ja'i lo zmadu pluja .i mu'a s(li pa su'i re pi'i ci du li xo) .i ja'i lo lojbo pa mai s(li pa su'i re) cu te kanji s(li ci) .i ba bo re mai s(li ci pi'i ci) cu te kanji s(li so) .i ku'i ja'i lo na'e lojbo pa mai s(li re pi'i ci) cu te kanji s(li xa) .i ba bo re mai s(li pa su'i xa) te kanji s(li ze)

ni'o pa pi re mo'o co'a ciksi lo snicmaci

ni'o pa pi re pi pa mo'o lo krinu be lo nu pilno lo snicmaci

ni'o le dei cukta cu ctuca lo sampu sinxa cmaci .i lo sampu cmaci poi na vasru lo sinxa cu banzu lo nu pilno lo sampu cmaci tadji .i ku'i lo nu facki lo cmaci tadji gi'a mulno jimpe lo logji be lo cmaci tadji gi'a pilno ja skicu lo pluja cmaci tdjia cu te nitcu lo sinxa cmaci

ni'o mu'a da'i da poi pa moi karce be'a mo'i cabyku'eku'e lo ki'otre be li vo no lo cacra be li pa .i je de poi re moi karce poi berti tu'a lo ki'otre be li pa bi no zu da cu ne'u mo'i cabyku'eku'e lo ki'otre be li mu no lo cacra be li pa .i je lo nu da lamji de cu diklo ma le linji be le krasi be de bi'i le krasi be di .i la'a do kakne lo nu kanji le danfu se pi'o lo sampu cmaci po'o .i ku'i nandu .i ji'a lo nu mi te preti tu'a lo nu pa moi karce cu cabyku'eku'e lo ki'otre be li vo mu cu rinka lo nu do za'e re'u simsa nandu kanji .i lo snicmaci cu tadji lo nu frili danfu lo simsa preti vei .e lo nu finti lo tadji be lo nu danfu ba'e ro simsa preti

ni'o ji'a lo nu jimpe lo snicmaci cu sarcu lo nu cilre lo -calculus-? .e lo -physics-? .e ro drata ke pluja cmaci

ni'o pa pi re pi re mo'o lo namcu klesi .e lo namcu porsi

ni'o ca'o lo citri be lo remna kei lo cmaci remna cu pilno so'o klesi be lo namcu .i lo tcetce purci remna cu pilno lo namcu poi srana lo mulno dacti po'o .i le namcu klesi cu se cmene lu dacti namcu li'u lo cmaci remna .i li no na dacti namcu

ni'o lo cmaci remna cu pi so'e roi pilno lo namcu porsi .i lo dacti namcu porsi cu tarmi s(li pa ce'o? re ce'o ci ce'o li'o?) .i ji'a lo nu te pixra lo namcu porsi se pi'o lo linji cu di'i plixau

p(lo dacti namcu porsi)

.i ji'a lo cmaci remna cu di'i djica lo nu jarco lo namcu klesi se pi'o lo cmalu sinxa po'u s(me'o ce'a bakryterci'a bu ga'e ny na'a)

ni'o lo remna zu ba lo nu ca'o pilno lo dacti namcu cu ca'o pilno li no .i la'a lo purci remna cu ze'e sanji lo si'o no mei .i ku'i na nitcu lo nu casnu da poi na zasti dacti .i lo kancu namcu cu namcu klesi gi'e panra lo dacti namcu lo ka vasru li no .i lo kancu namcu cu se sinxa s(me'o ce'a bakryterci'a bu ga'e .y'y bu na'a)

p(lo kancu namcu porsi)

ni'o lo remna zu ba djica lo nu kanju se pi'o da poi de dejni ke'a .i lo cmaci namcu cu panea lo kancu namcu lo ka vasru lo namcu poi mleca li no .i lo cmaci namcu cu se sinxa s(me'o ce'a bakryterci'a bu ga'e .i bu na'a) .i lo cmaci namcu porsi cu kuspe li ni'u ci'i bi'o? no? bi'o? ma'u ci'i

p(lo cmaci namcu porsi)

ni'o ni'o lo remna zu ba djica lo nu skicu lo pagbu be lo dacti .i se ki'u bo finti lo frinu .e lo frinu namcu .i lo frinu namcu panra lo cmaci namcu lo ka ro frinu mu'u ge ga li pa pi ca'e xa gi li pa fi'u re gi nai li pai .i s(me'o ce'a bakryterci'a bu ga'e ky bu na'a) sinxa lo frinu namcu .i lo frinu namcu porsi cu frica ro namcu porsi poi mi pu skicu vau lo ka na ka'e jarco lo pagbu be lo porsi .i lo pagbu be lo frinu namcu porsi poi jbini li no bi'o? pa cu vasri lo cimni be lo namcu .i sa'e ro pagbu be lo frinu namcu porsi cu vasru lo cimni be lo namcu .i ku'i lo pixra be lo pagbu cimni namcu porsi cu pi so'e roi jarco lo mulno namcu po'o

ni'o ku'i lo namcu poi na frinu gi'e ku'i sampu lo ka skicu cu zasti .i mu'a li pai cu se kanju fo lo nu ?? fendi lo cukla bartu nilcla lo cukla ragve nilcla gkei gi'e ku'i na frinu .i ro simsa namcu cu na'e frinu namcu .i lo na'e frinu namcu porsi cu pagcu cimni porsi .i s(me'o ce'a bakryterci'a bu ce'a gapyga'a bu ga'e ky bu na'a) sinxa lo na'e frinu namcu

ni'o lo frinu namcu .e lo na'e frinu namcu cu na mutce plixau .i ku'i lo'i frinu namcu jo'e lo'i na'e frinu namcu cu mutce plixau gi'e se cmene lu fadni namcu li'u .i lo cmaci cu so'e roi srana lo fadni namcu .i s(me'o ce'a bakryterci'a bu ga'e ry na'a) sinxa lo fadni namcu

ni'o lo drata ke namcu klesi cu zasti .i ku'i mi ba ciski la'e di'u ca lo nu sarcu


ni'o pa pi re pi ci mo'o sampu nu pilno lo cmaci sinxa

ni'o lo traji sampu mekso be lo snicmaci cu pa mei dubme'o .i lo dubme'o cu jarco lo du'u su'o loi meksni joi su'o loi namcu cu gunmi mintu fi lo ka namcu .i lo meksni cu sinxa lo namcu ne'i lo mekso .i mu'a

l(li xy du li re)

ni'o lo nandu po lo dubme'o cu nu fakci lo se meksni .i mi pacna lo nu do pu facki lo se meksni be le ro moi dukme'o .i xy pa mei meksni li re .i lo na'e namcu lerfu be ne'i lo mekso cu so'a roi meksni

ni'o pa pi re pi ci pi pa mo'o sumji je tolsumji dubme'o

.i mi ca jarco lo mupli poi zmadu lo ka nandu .i

l(li xy su'i re du li mu)

ni'o lo nu jimpe le ro moi dubme'o cu sarcu lo nu pensi .i le ro moi dubme'o cu jarco pa meksni no'u me'o xy .e lo du'u li mu sumji me'o xy li re .i la'a do kakne lo nu facki le se meksni be me'o xy no'u li ci .i ku'i lo tcetce zmadu be fi lo ka nandu kei dubme'o cu zasti .i se ki'u bo lo tadji be lo nu facki lo se meksni cu zasti .i mi jarco .i mu'a

l(li mu du li mu)

ni'o le ro moi dubme'a cu tcetce sampu .i ku'i plixau fi lo nu jarco lo tadji .i lo nu mi jai gau tolsumji li re ro pagbu be le ro moi dubme'a cu se jalge lu s(li ci du li ci) li'u .i la'e di'u na mutce plixau .i ku'i lo simsa nu tolsumji cu srana ro dubme'o .i lo nu galfi ro pagbu be lo dubme'a se pi'o lo mintu tadji cu na galfi lo se kanji .i srana le purci dubme'o no'u lu

l(li xy su'i re du li mu)

li'u .i te tolsumji li re ro pagbu be le dubme'o

l(li xy du li ci)

li'u .i se ni'i bo lo nu facki le se meksni be me'o xy be'o no'u li ci cu frili

ni'o lo simsa tadji cu srana lo nu tolsumji .i mu'a

l(li vo mu du li xy vu'u ci ze)

.i le ro moi dubme'o cu tarmi fatne lo purci dubme'o .i ku'i la'e di'u na srana lo smuni .i lo nu jmina li ci ze ro pagbu be le debme'a cu se jalge lu

l(li bi re du li xy)

li'u poi filseljmi

ni'o pa pi re pi ci pi re mo'o pilji je tolpilji dubme'o

.i ji'a lo simsa tadji cu srana lo nu tolpilji gi'a pilji .i mu'a

l(li pa re du li xy pi'i ci)

.i lo nu facki le se meksni be me'o xy cu mukti lo nu do jai gau tolpilji ro pagbu be le dubme'o li ci .i se ja'e bo

l(li vo du li xy)

.i pa'a bo mu'a

l(li xy fe'i pa ze du li re)

.i li pa ze te mupli ro pagbu be la'e di'u

l(li xy du li ci vo)

ni'o pa pi re pi ci pi ci mo'o rapcreze'a lo nu jimpe lo sampu dubme'a

ko troci lo nu facki lo se meksni be me'o xy va'o lo di'e dubme'o

-examples here-

ni'o pa pi re pi ci pi vo mo'o snicmaci preti

ni'o lo tadji poi mi pu cutka cu se pilno fi lo nu snada lo sampu ke snicmaci preti .i mu'a la .alis. ponse re no bolci .i pa ci le bolci cu xunre .i ro le bolci cu xunre jo nai blanu .i se ni'i bo la .alis. ponse xo blanu bolci

ni'o la'a do kakne lo nu do ka'e snada spuda le preti pi'o na'e bo lo snicmaci .i na srana bi mi jarco mu'i lo nu rapcreza'e .i le preti cu vasru ci cinri pagbu no'u le te kancu be le'i bolci no'u li re no .e le te kancu be le'i xunre bolci no'u li pa ci .e le te kancu be le'i blanu bolci no'u li xo kau noi mi te cmene ke'a me'o xy .i le bolci cu fatri zi'o fu'e po'o le xunre bolci .e le blanu bolci .i se ni'i bo le bolci cu sumji le xunre bolci .e le blanu bolci .i ca'e

l(li re no du li pa ci su'i xy)

.i l(li re no vu'u li pa ci du li xy)

ni'o ji'a za'a le blanu bolci po'o cu stali va'o lo nu vimcu le xunre bolci le bolci .i se ni'i bo le blanu bolci cu tolsumji le bolci le xunre bolci .i se ni'i bo ca'e ji'a

l(li xy du li re no vu'u li pa ci)

.i .a'o do kakne lo nu fakci le se meksni be xy no'u li ze

ni'o mi te preti lo milxe zmadu nandu po'u di'e .i la .bab. ponse xa selkei poi fatri zi'o lo karce selkei .e lo remna selkei .i ro karce cu karce re remna selkei .i va'i ro da poi karce selkei vau de poi remna selkei zo'u lo nu la .bab. ponse da cu nibli lo la .bab. ponse re de .i la .bab. ponse xo remna selkei

ni'o le preti cu vasru ci cinri pagbu no'u le te kancu be le'i selkei be'o no'u li xa .e le te kancu be le'i karce selkei be'o nu'o li xy ca'e .e le te kancu be le'i remna selkei be'o nu'o li re pi'i xy .i ko zgana lo nu mi na finti lo meksni be le te kancu be le'i remna selkei .i ni'i bo le te kancu be le'i remna selkei cu fancu le te kancu be le'i karce selkei .i lo sampu dubme'o cu xamgu .i se ki'u bo ko va'o lo nu pa namcu cu funca pa drata namcu po'o cu finti lo dubme'o poi vasru pa meksni be lo re namcu .i ku'i lo nu do morji ro namcu poi sampu funca pa drata namcu po'o cu mutce vajni .i se mu'i bo mi stidi lo nu do finti pa sampa dubme'o poi srana pa sampu funca namcu .i mu'a

l(li re pi'i xy su'i xy du li xa)

.i ji'a l(li zy du li xy pi'i re)

.i le pa moi dubme'o cu se smuni lo du'u le te kancu be le'i selkei cu sumji le te kancu be le'i remna selkei le te kancu be le'i karce selkei .i le re moi subme'o cu se smuni lo du'u le te kancu be le'i remna selkei poi mi ca gasnu lo nu me'o zy meksni ke'a cu pilji li xy li re .i ko zgana lo du'u le pa moi dubme'o cu mintu lu s(li re pi'i xy su'i vei pa su'i xy du li xa) .i do zifre lo nu jmina lo meksni vau ja'e lu

l(xy pi'i ci du li xa)

li'u .i ri mutce sampu .i li'a me'o xy meksni li re no'u le te kancu be le'i karce selkei .i se ni'i bo s(li xy pi'i re du li vo) .i se ni'i bo me'o zy meksni li vo no'u le te kancu be le'i remna selkei

ni'o pa pi re pi ci pi mu mo'o rapcreze'a lo nu jimpe lo dubme'o

-examples requiring a second, but derivative, variable here-

ni'o lo nu pilno lo pa moi funca be lo se facki namcu cu sidju lo nu do djuno lo du'u do facki lo drani namcu .i ko morji lo du'u mi'o xusra lo du'u le pa moi karce cu se krasi li no po le namcu linji I se ni'i bo le re karce cu lamji binxo bu'u le se diklo poi drani le krasi be le pa moi karce lo ki'otre be li bi no

ni'o pa pi re pi vo pi pa mo'o rapcreze'a fo lo cabyku'e dubme'o

-exercises of time-based problems-

ni'o sai re mo'o pilno loi su'o re dubme'o

ni'o re pi pa mo'o pilno loi re dubme'o

ni'o re pi pa pi pa mo'o facki lo se meksni se pi'o lo nu basti lo dubme'o