loi lerfu tcita detri/jbo

ni'o ci'e lai lerfu tcita detri noi te mupli fi lu de'i li ny renopamu ly bi dy mu cy reci my muxa sy no li'u zo'u tu'e:

lo lerfu tcita poi ralju zo'u tu'e:

• .i me'o ny sinxa lo du'u le namcu poi se li'erla'i cu na'ardetri (to se krasi zo nanca toi)
• .i me'o ly sinxa tu'a lo ma'irdetri (to se krasi zo lunra jenai zo masti ki'u lo nu rivbi lo nu fapro zo mentu me'o my toi)
• .i me'o dy sinxa tu'a lo ma'irdeidetri (to se krasi zo djedi toi)
• .i me'o cy sinxa tu'a lo djecacrytcika (to se krasi zo cacra toi)
• .i me'o my sinxa tu'a lo cacryme'utcika (to se krasi zo mentu toi)
• .i me'o sy sinxa tu'a lo metnidytcika (to se krasi zo snidu toi)

tu'u

lo lerfu tcita poi jai cafne fai lo ka se pilno zo'u tu'e:

• .i me'o jydy je ji'a me'o zy sinxa tu'a lo jefydeidetri (to me'o zy se krasi zo ze toi)
• .i me'o vy se krasi lu ve tcika li'u jecu sinxa tu'a lo se cacra be lo vujnu be le detri bei li'ai u'ytycy
• .i me'o xy sinxa tu'a lo na'arctodetri (to se krasi zo xecto toi)

tu'u

lo lerfu tcita poi mleca lo ka jai cafne zo'u tu'e:

• .i me'o nydy sinxa tu'a lo na'ardeidetri
• .i me'o jy sinxa tu'a lo na'arjefydetri (to gajo lo me me'o jy moi cu se te'iski gi me'o dy sinxa tu'a lo jefydeidetri jenai lo ma'irdeidetri toi)
• .i me'o jyny sinxa tu'a lo na'ardetri befi lo jeftu nanca ciste pe li'ai i'ysy.o'y ge'u jenai la gregori

tu'u