The North Wind and the Sun
English
The North Wind and the Sun.
The North Wind and the Sun were disputing which was the stronger, when a traveler came along wrapped in a warm cloak.They agreed that the one who first succeeded in making the traveler take his cloak off should be considered stronger than the other. Then the North Wind blew as hard as he could, but the more he blew the more closely did the traveler fold his cloak around him;and at last the North Wind gave up the attempt. Then the Sun shined out warmly, and immediately the traveler took off his cloak.And so the North Wind was obliged to confess that the Sun was the stronger of the two.
la zipcpi's version, 2015
la be'arna brife jo'u la solri
ni'o la be'arna brife jo'u la solri cu dausnu lo du'u mo'oikau me vo'a cu traji lo ka vlipa .i ca'obo lo pa litru cu tolcanci jecu dasni lo kosta poi se kufra glare .i le remei cu tugni zu'ai lo du'u, lo traji be lo ka clira fa lo nu ce'u snada lo ka gau ce'u le litru co'u dasni le kosta, ba jai se pajni fai lo ka traji lo ka vlipa .ibabo la be'arna brife co'a tankomo lo ka bifca'e kei lo ka kakne .iku'i le nu by zei'a bifca'e cu rinka lo nu le litru zu'eri zei'a se tagji le kosta .ibabo uo la be'arna brife co'u troci .ibabo la solri cu dirce seri'a lo nu glare .i bazisaibo le litru co'u dasni le kosta .i seki'ubo la be'arna brife cu bilga lo ka randa tugni le du'u la solri cu zmadu vo'a lo ka vlipa
by LLG, 2015 (beta version)
la berti brife jo'u la solri
ni'o la berti brife jo'u la solri pu troci lo ka cuxna lo poi me vo'a vau traji be lo ka vlipa i ca'o bo lo nu lo pa litru noi dasni lo glare kosta cu klamai le re mei pu simxu lo ka tugni fi lo nu lo traji be lo ka clira fa lo nu ce'u snada lo ka gasnu lo nu le litru co'u dasni le kosta cu traji lo ka vlipai ba bo la berti brife co'a traji cupra lo brife i ku'i lo nu by by zenba lo ka cupra lo xo kau brife cu rinka lo nu le litru zu'e ri zenba lo ka se tagji le kosta i ba bo la berti brife co'u troci i ba bo la solri co'a glare dirce i ba zi bo le litru co'u dasni le kostai se ki'u bo la berti brife cu bilga lo ka tugni fi lo nu la solri cu traji lo ka vlipa
Ilmen's version, 2015
la berti brife jo'u la solri
ni'o la berti brife jo'u la solri pu troci lo ka da poi me vo'a zo'u simxu lo ka tugni fi lo du'u da vlipa traji .i ca'o bo lo nu lo pa litru noi dasni lo glare kosta cu tolclivai le re mei cu tugysi'u lo nu lo traji be lo ka clira fa lo nu snada lo ka gasnu lo nu le litru co'u dasni le kosta cu traji lo ka vlipai ba bo la berti brife co'a tankomo lo ka bifpra ku lo ka kakne .i ku'i lo ni by by bifpra cu sarxe lo ni le litru zu'e ri se tagji le kosta .i ba bo la berti brife cu sisti lo ka troci .i ba bo la solri co'a glare dirce .i ba zi bo le litru co'u dasni le kosta .i se ki'u bo la berti brife cu bilga lo ka tugni fi lo nu la solri cu traji lo ka vlipa
lo vrici pagbu
- ku'i ro nu brife tsali zenba cu rinka su'o nu lo litru zu'e ri zenba lo ka se tagji lo kosta
- lo re mei cu simxu co darlu lo du'u ma kau poi me vo'a cu traji lo ka vlipa
- lo re mei cu troci lo ka da poi me vo'a zo'u simxu lo ka tugni fi lo du'u da vlipa traji
- lo re mei cu troci lo ka su'o vo'a poi'i simxu lo ka tugni fi lo du'u ke'a vlipa traji
- lo re mei cu troci lo ka cu'uxna da vo'a lo ka simxu lo ka tugni fi lo du'u vlipa traji
Nick's (pre-Lojban)
la .berbif. joi la .sol.
la .berbif. joi la .sol. puki darlu lejei ri jikau ra vlimau le drata keico'i lenu lo litru vi klama gi'e tagji dasni lo kamgla kosta .i lego'i cu tugni lenu le pamoi snada be lenu naldasri'a le litru le kosta du'o ru'a vlimau le drata .ibazibo la .berbif. cu rocrai brife .iku'i go ri vlimau brife gi le litru cu tagmau vaungau le kosta ra .ibaze'e la .berbif. .uu cu sisti lenu troci .ibabo la .sol. cu glare dirce .ibazibo le litru co'u dasni le kosta .iseki'ubo la .berbif. cu bilga lenu tugni ledu'u la .sol. vlimau