Do you hear the people sing

Translated from "Do You Hear the People Sing" from Les Miserables. Translation by la zipcpi

.i xu do tirna lo nu sanga
fa loi prenu poi fengu
.i zgike tu'a da poi aicai na
randa za'ure'u
.i ganai lo do risna cu
panra lo damri lo rilti
gi baku cfari fa lo cnino nu lifri

.i aipei cmima loi damba
jecu tsali ka'ai mi
.i a'opei ze'o pe'a
lo se rinju cu banli
.i e'eisai semu'ibo
gau ko ko zifre vi

.i xu do tirna lo nu sanga
fa loi prenu poi fengu
.i zgike tu'a da poi aicai na
randa za'ure'u
.i ganai lo do risna cu
panra lo damri lo rilti
gi baku cfari fa lo cnino nu lifri

.i aipei zukte ro se kakne
lo nu ma'a ba snada
.i da ba jmive .ije de na go'i
.ijeku'i na terpa
.i lo vrude ciblu
ba cidja lo melbi xrula

.i xu do tirna lo nu sanga
fa loi prenu poi fengu
.i zgike tu'a da poi aicai na
randa za'ure'u
.i ganai lo do risna cu
panra lo damri lo rilti
gi baku cfari fa lo cnino nu lifri

(tosa'a ni'o di'e sagypemci lo ke'uzgi .i va'i me'oi <Reprise> toi)

.i xu do tirna lo nu sanga
fa loi fu'aunai selcri
.i zgike tu'a da poi ga'u klama
fe lo te gusni
.i lo mabla se funca
ku ji'a co'unai pacna
.i lo mankyrai nicte
ku ji'a donri ba