nicene Creed

From Lojban
(Redirected from Nicene Creed)
Jump to: navigation, search

The Nicene Creed, translated from the Greek by Nick Nicholas.

mi krici lepa cevni

       noi patfu je roltru
       zi'enoi zbasu le tsani
               .e le terdi
               .eji'a ro seke viska'e fa'u to'e viska'e ku'o

.e pa la .iesus xristos.

       noi lidne
       zi'eno'u le bersa be le cevni be'o
               noi pavmemjbe
       ge'uzi'enoi jbena le patfu pu ro cedra
       zi'enoi gusni ra'i le gusni
       zi'enoipa'a fatci cevni ra'i le fatci cevni
       zi'enoi jbena jenai se zbasu
       zi'enoi majmi'u le patfu
       zi'esa'anoi roda zastybi'o gau ke'a
       zi'enoi sesi'u mi poi remna ku'o mu'iji'a lenu mi snura kei
               cu nitkla fi le tsani
               gi'e xadbi'o ra'i le censa pruxi
                       kujoi la marias. noi noroi gletu ku'o
               gi'e rembi'o
       zi'enoiji'a kucyga'a se sfacatra
                       fi'o se sarji mi
                       ca lenu la pontius.pilatus. turni kei
               gi'e cortu
               gi'e se derni'agau
       zi'enoi krefu jmive
               ca le cimoi djedi
               vedu'o lei se ciska
       zi'enoi garkla le tsani
               gi'e zutse le pritu be le patfu
       zi'enoi krefu klama
               sekai loka banli kei
               mu'i lenu pajni loi jmive .e loi morsi
       zi'enoi le nuntru be ke'a na se fanmo ku'o;

.e le pruxi

       noi censa ce jitro ce mivri'a
       zi'enoi se krasi le patfu
       zi'enoi kansa le patfu .e le bersa
               lenu kansa jdasinma ce se mi'orzau
       zi'enoi bacru sepi'o lei cespre ku'o

.e pa censa ke rolpre je cesprenrapostolo. jdacecmu

.i mi xusra pa nu jdajinru

       mu'i lenu faxri'a fo lei pacyselzu'e

.i mi denpa lenu loi morsi ba krefu jmive kei

       .e lenu jmive ca le ba cedra

.i a'o fasnu fa'o