genesis

From Lojban
(Redirected from Genesis)
Jump to navigation Jump to search

What follows is a translation of the first part of Genesis, the creation story, as translated by Mark Shoulson.

ni'oni'o ca lemu'e krasi ku finti fa la cevni le tsani .e le terdi .i le terdi cu na'e seltarmi je kunti .ijebo manku vi ga'u le condi .ije le pruxi be la cevni cu fulta ga'u loi djacu .i bacru fa la cevni lu .e'o gusni li'u .ijebo gusni .i zgana fa la cevni le gusni fi'o se jinvi loza'i xamgu .i fedri'a fa la cevni fo le gusni ku ce le manku (ku) .i te cmene fa la cevni le gusni zo dinri gi'e te cmene le manku zo nicte .i vanci .i cerni .i pamei djedi

ni'o bacru fa la cevni lu .e'o sligu ne'i loi djacu gi'e fendi fi lei djacu ku ce lei djacu (ku) li'u .ije zbasu fa la cevni le sligu .ijebo fedri'a fo lei djacu poi gapru le sligu ku'o ce lei djacu poi cnita le sligu .i zasti .i te cmene fa la cevni le sligu zo tsani .i vanci .i cerni .i remoi djedi

ni'o bacru fa la cevni lu .e'o se jmaji fa lei djacu poi cnita le tsani fi pa stuzi .iseri'abo se viska .e'o fa lei sudytumla li'u .i zasti .i te cmene fa la cevni lei sudytumla zo terdi gi'e te cmene lei te jmaji be lei djacu zo xamsi .i zgana fa la cevni fi'o se jinvi loza'i xamgu .i bacru fa la cevni lu .e'o ferti fa le terdi loi srasu je spati noi se tsiju loi tsiju ku'o .e loi grute tricu noi cupra loi grute noi lo tsiju be ra cu nenri ke'a ku'o ku'o zi'e pe vi le terdi li'u .i zasti .i cupra fa le terdi loi srasu je spati noi se tsiju loi jutsi tsiju ku'o .e loi tricu poi cupra loi grute noi lo tsiju be ra cu nenri ke'a ku'o ku'o zi'e ne ja'i lera jutsi .i zgana fa la cevni fi'o se jinvi loza'i xamgu .i vanci .i cerni .i cimoi djedi

ni'o bacru fa la cevni lu .e'o tergusni tu'i le tsani sligu .iseri'abo fendi .e'o fi le'e dinri ku ce le'e nicte .ije sinxa ce cabysni ce djesni ce nacysni .i ke'u.e'o tergusni tu'i le tsani sligu (fe) le terdi li'u .i zasti .i zbasu fa la cevni le re barda tergusni no'u le barda tergusni poi turni le'e dinri ku'o jo'u le cmalu tergusni poi turni le'e nicte ge'u .e loi tarci .i punji fa la cevni ra le tsani sligu semu'i lenu te gusni lo terdi kei .e lenu turni le'e dinri .e le'e nicte kei .e lenu fendi fi le gusni ku ce le manku .i zgana fa la cevni fi'o se jinvi loza'i xamgu .i vanci .i cerni .i vomoi djedi

ni'o bacru fa la cevni lu .e'o ferti fa lei djacu loi so'imei danlu noi jmive .e loi cipni poi voirli'u ga'u lei terdi tu'i le tsani sligu li'u .i finti fa la cevni lei barda xasydanlu .e piro loi jmive poi befydzu zi'epoi se ferti lei djacu (ku'o) zi'e ne ja'i lora jutsi ge'u .e piro loi se nalci cipni ne ja'i lori jutsi .i zgana fa la cevni fi'o se jinvi loza'i xamgu .i cesto'edapma(?!?) ra fa la cevni secu'u lu ko seljbe je so'imei gi'e se culno lei djacu pe ne'i lei xamsi .ije .e'o loi cipni cu so'imei tu'i le terdi li'u .i vanci .i cerni .i mumoi djedi

ni'o bacru fa la cevni lu .e'o krasi fa le terdi loi jmive ne ja'i lori jutsi zi'e no'u loi danlu ku joi loi befydzu ku joi loi terdi jmive ne ja'i lori jutsi li'u .i zasti .i zbasu fa la cevni loi terdi jmive ne ja'i lori jutsi ge'u .e loi danlu ne ja'i lori jutsi ge'u .e loi dertu befydzu ne ja'i lori jutsi .i zgana fa la cevni fi'o se jinvi loza'i xamgu .i bacru fa la cevni lu .ai mi zbasu loi remna ne ta'i le se tarmi be mi .i ra turni ba'a.e'a loi xamsi finpe .e loi tsani cipni .e loi danlu .e piro loi terdi .e piro loi befydzu noi befydzu loi terdi li'u .i finti fa la cevni loi remna goi fo'a ne ta'i le tarmi be vo'a .i seri'a loza'i se tarmi le tarmi be la cevni cu finti fo'a (???) .i seri'a loza'i nakni ce fetsi cu finti fo'a (???) .i cesto'edapma(???!!) fo'a fa la cevni .ije cusku fi fo'a fa la cevni fe lu ko seljbe je so'imei gi'e se culno loi terdi gi'e jinga ri .i ko turni loi xamsi finpe .e loi tsani cipni .e piro loi danlu poi befydzu loi terdi li'u .i cusku fa la cevni lu ju'i do'u mi dunda fi do fe piro loi srasu noi se tsiju loi tsiju zi'enoi se stuzi lo sefta be piro loi terdi ku'o .e piro loi tricu poi stuzi loi tricu grute .i se ponse .e'o do mu'i lenu do citka .e'a do'a .i go'i lu'a piro loi terdi jmive .e piro loi tsani cipni .e piro loi befydzu be le terdi lu'u noi ke'a ponse lo jmive pruxi ku'o mu'i lenu citka .e'a do'a li'u .i zasti .i zgana fa la cevni roda poi ri zbasu ku'o fi'o se jinvi loza'i mutce xamgu .i vanci .i cerni .i xamoi djedi

ni'oni'o mulno fa le tsani .ebo le terdi .e piro loi jenmi girzu pe ri .i mulri'a fa la cevni ca le zemoi djedi levo'a se gunka (?) noi vo'a zbasu .i cadysti fa la cevni ca le zemoi djedi piro leivo'a se gunka noi vo'a zbasu .i cesto'edapma (/?!/) fa la cevni le zemoi djedi gi'e cesri'a ri ki'u lenu ca ri cadysti piro lei se gunka poi la cevni cu finti je zbasu