zantufa mekso: Difference between revisions

From Lojban
Jump to navigation Jump to search
(gonaibo)
mNo edit summary
 
Line 36: Line 36:
</blockquote>
</blockquote>
zoi
zoi
cu se sinxa lo selbri jenai lo mekso
cu se sinxa lo selbrisle jenai lo mekso


ni'o ni'o
ni'o ni'o
Line 293: Line 293:


=== ma'oi NAhU cu me ma'oi MAhO ije ma'oi NIhE cu me ma'oi MOhE ===  
=== ma'oi NAhU cu me ma'oi MAhO ije ma'oi NIhE cu me ma'oi MOhE ===  
i ma'oi MAhO ka'e lidne [[zantufa jonma'o smuni#go_nai_bo_A_gi_B_gi_C_gi_...|gonaibo]] lo mekso gi lo selbri gi lo sumti jecu se stura lo fancu
i ma'oi MAhO ka'e lidne [[zantufa jonma'o smuni#go_nai_bo_A_gi_B_gi_C_gi_...|gonaibo]] lo mekso gi lo selbrisle gi lo sumti jecu se stura lo fancu
i lo nu go'i cu se jalge lo nu ma'oi NAhU na'e se nitcu
i lo nu go'i cu se jalge lo nu ma'oi NAhU na'e se nitcu


Line 302: Line 302:
li'u
li'u


i ma'oi MOhE ka'e lidne gonai lo selbri gi lo sumti jecu se stura lo namcu
i ma'oi MOhE ka'e lidne gonai lo selbrisle gi lo sumti jecu se stura lo namcu
<ref name="tuho">to na'e lidne lo fancu imu'ibo tu'a lu '''vu'u tu'o''' li'u cu se jalge lo dunli be tu'a lo'u mo'e vu'u le'u toi</ref>
<ref name="tuho">to na'e lidne lo fancu imu'ibo tu'a lu '''vu'u tu'o''' li'u cu se jalge lo dunli be tu'a lo'u mo'e vu'u le'u toi</ref>
i lo nu go'i cu se jalge lo nu ma'oi NIhE na'e se nitcu
i lo nu go'i cu se jalge lo nu ma'oi NIhE na'e se nitcu

Latest revision as of 12:26, 25 November 2016

jo'au zantufa xi papipaxa (to e'u viska tu'a ji'a lo jonma'o je ma'oi FA je la zantufa toi)

ni'o ni'o

lo mekso cu mo

i ma'i lo lojbo gerna lo pa mekso cu sinxa lu'a lo fe ja fi fancu jenai lo drata

i mu'a je gi la'o zoi

5

zoi gi la'o zoi

f(x)

zoi gi la'o zoi

n+1

zoi cu se sinxa lo mekso

i ku'i mu'a je gi la'o zoi

=

zoi gi la'o zoi

>

zoi gi la'o zoi

zoi cu se sinxa lo selbrisle jenai lo mekso

ni'o ni'o

ma te frica lo mekso gerna po la zantufa lo catni gerna

ni'o

lo lerfu porsi lo nacle'u porsi cu sepli

i zu'u lo catni gerna cu curmi lo nu lo pa namcu cu se sinxa lo mixre be lo lerfu porsi joi lo nacle'u porsi i mu'a lu

so by re mu ky

li'u je lu

fy pa cy dy

li'u cu sinxa lo pa namcu

i zu'unai ro lo fo farvi be la zantufa cu sepli lo lerfu lo nacle'u

i mupli fa lu

  • ([{«so BOI» «by BOI»} {«re mu» BOI} {ky BOI}] VAU)

li'u je lu

  • ([{fy BOI} {pa BOI} {cy dy} BOI] VAU)

li'u

i sei ko sanji lo lerfu porsi poi bartu lo mekso cu sumti jenai cu sinxa lo namcu

i ja'e bo tu'e

lo'u by pa le'u cu na gendra ma'i la zantufa

(to lu by pa'y li'u cu gendra je cu sumti
i ma'i la zantufa xi su'o pi pa zo'u ro lo nacle'u cu se sinxa lo pa cmavo be ma'oi BY be'o poi se tarmi zo PA'y
i mupli fa gi jo'u zo re'y gi zo pai'y gi zo ci'i'y gi zo fi'u'y toi)

i lu

  • ([{pa BOI} {by BOI}] VAU)

li'u cu sumti i lu

  • ([ny BOI] [su'i {my BOI}])

li'u je lu

  • ([ny BOI] [joi {re BOI}])

li'u cu mekso i ku'i lu

  • ([{ny BOI} {joi «my BOI»}] VAU)

li'u je lu

  • ([{ny BOI} {joi «re BOI» «my BOI»}] VAU)

li'u cu sumti re mei tu'u

ni'o

fancu joi namcu porsi

i lo lojbo mekso cu vrici lo ka porsi lo fancu sinxa ce lo namcu sinxa

i di'e noi cimei cu liste lo vrici

i tu'e

  1. i lo fancu cu lidne lo namcu
    i su'i ny pa
    (+ n 1)
  2. i lo fancu cu jbini lo namcu
    i ny su'i pa
    (n+1)
  3. i lo fancu cu se lidne lo namcu
    i fu'a ny pa su'i
    (n 1 +)

tu'u

i zu'u lo catni gerna cu tolcru lo nu lo 3 moi be va'o lo nu claxu zo vei cu jbini lo drata

i mu'a lu

li re pi'i vei fu'a ny boi pa su'i

li'u na'e ka'e claxu zo vei

i to'eni'inai bo curmi tu'a lu

li re pi'i pe'o su'i ny boi pa

li'u noi claxu zo vei

i zu'unai la zantufa xi pi ci cu pairnu'i tu'a lo ci mei

i sa'unai curmi lo nu lu

  • pe'o su'i ny pa ku'e

li'u je lu

  • vei ny su'i pa ve'o

li'u je lu

  • fu'a ny pa su'i ku'e

li'u cu se fancu lo drata

i sei ko sanji zo ku'e cu famyma'o zo fu'a ji'a ma'i la zantufa xi pi ci vau sei lo catni gerna cu frica

i mupli fa lu

  • (pe'o su'i [{fu'a «(¹ny BOI¹) (¹pa BOI¹)» su'i ku'e} {vei «(¹re BOI¹) (¹pi'i [ci BOI]¹)» VEhO}] KUhE)

li'u

ni'o

lo pa mei cu fancu lo su'o pa mei

i zu'u lo catni gerna cu tolcru lo nu lo na'e re mei cu se fancu lo jbini ja lo se lidne

i zu'unai la zantufa xi pi ci cu curmi lo se go'i

i mupli fa lu

  • ([cu'a {by BOI} KUhE]
  • [i {by BOI} cu'a]
  • [i {fu'a «by BOI» cu'a KUhE}])

li'u je lu

  • ([ri'o xy BOI» «pa BOI» «ny BOI»} KUhE]
  • [i {xy BOI} {ri'o «pa BOI» «bo ny BOI¹)»}]
  • [i xy BOI» «bo pa BOI¹)»} {ri'o «ny BOI»}]
  • [i {xy BOI} {ri'o «ke (¹[pa BOI] [ny BOI]¹) KEhE»}]
  • [i {ke «(¹xy BOI¹) (¹pa BOI¹)» ke'e} {ri'o «ny BOI»}]
  • [i {fu'a «xy BOI» «pa BOI» «ny BOI»} ri'o KUhE])

li'u

i za'a dai tu'a lo jbini fancu be lo su'o ci mei cu se sarcu tu'a zo ke jonai zo bo

ni'o

ma'oi JOI cu fancu

i ne'i lo mekso pe la zantufa xi pi ci ma'oi JOI cu cmima lo fancu

i ja'e bo la'o zoi n±1 zoi cu se sinxa di'e mu'a i lu

  • ([{jo nai} {«su'i (¹[ny BOI] [pa BOI]¹) ku'e» «vu'u ny BOI¹) (¹pa BOI¹)» KUhE} KUhE]
  • [i {ny BOI} {«su'i vu'u» «pa BOI»} {jo nai}]
  • [i {fu'a «ny BOI» «pa BOI» «su'i ny BOI¹) (¹pa BOI¹)» KUhE} vu'u {jo nai} KUhE])

li'u

i lo nu fancu porsi be mu'u lo'u su'i vu'u le'u noi jbini cu se curmi la zantufa xi pi ci sei la'e di'e ve ciksi

ni'o

fancu jorne

i zu'u ma'i lo catni gerna lo nu fancu porsi cu se curmi co na'e prane

i mu'a tu'a lu

vei fa'i pi'i ci boi xy

li'u cu se curmi

i ku'i lo fancu noi se lidne zo'u ka'e fancu porsi va'o lo so'o po'o mupli

i ji'a lo fancu noi jbini zo'u na'e ka'e fancu porsi

i zu'unai la zantufa xi pi ci cu prane curmi lo nu fancu porsi

i mupli fa lu

  1. ([fa'i {pi'i «(¹ci BOI¹) (¹xy BOI¹)» KUhE} KUhE]
  2. [i {ny BOI} {«su'i vu'u» «pa BOI»} {jo nai}]
  3. [i {fu'a «ci BOI» «xy BOI»} pi'i fa'i KUhE])

li'u

i lo 1 moi noi fancu lidne cu mupli la'o zoi f∘g(x) zoi

i va'i lo te fancu be lo se lidne cu se fancu lo lidne

i lo 2 moi noi fancu jbini cu na'e fadni fi lo cmaci

i ku'i e'u jimpe lo du'u lo'u su'i vu'u le'u cu remei lo sezbanzu nu kanji

i va'i lo 2 moi cu dunli lu

([vei ny BOI» «su'i pa BOI¹)»} ve'o] [jo nai] [vei ny BOI» «vu'u pa BOI¹)»} VEhO])

li'u lo ka smuni

i lo 3 moi noi fancu se lidne cu mupli la'o zoi x f;g zoi

i va'i lo te fancu be lo lidne cu se fancu lo se lidne

ni'o

ma'oi NAhE jo'u lo'u NAhE BO le'u

i zu'u lo catni gerna cu curmi lo nu ma'oi NAhE lidne lo fancu kei jo'u lo nu lo'u NAhE BO le'u lidne lo namcu

i zu'unai la zantufa cu curmi lo se go'i jo'u lo nu ma'oi NAhE lidne lo pa namcu kei ji'a

i lo'u NAhE BO le'u sei fe lo catni gerna cu dunli se'u kuspe lo se lidne noi lidne lo famyma'o no'u ma'oi LUhU

i ma'oi NAhE kuspe lo po'o pamei be lo lidne

i mupli fa lu

  • ([{na'e bo} {«pa BOI» «su'i by BOI¹)»} LUhU]
  • [i {na'e «pa BOI»} {su'i «by BOI»}]
  • [i {pa BOI} {«na'e su'i» pi'i} {by BOI}])

li'u

i jo'au zantufa xi pimu va'o lo nu lo mekso cu jbini lo drata stura goi dysy kei ma'oi NAhE je lo'u NahE BO le'u cu kuspe dysy

i mupli fa lu

  • ([{«na'e (¹[ny BOI] [su'i {pa BOI}]¹) roi» KU} VAU]
  • [i {«(¹vei [{na'e «ny BOI»} {su'i «pa BOI»}] VEhO¹) roi» KU} VAU])
  • ([{«na'e (¹[ny BOI] [su'i {pa BOI}]¹) (¹by BOI¹)» «joi cy BOI¹)»} VAU]
  • [i na'e bo» «(¹[{ny BOI} {su'i «pa BOI»}] [by BOI]¹) (¹joi [cy BOI]¹)» LUhU} VAU]
  • [i {«(¹vei [{na'e «ny BOI»} {su'i «pa BOI»}] VEhO¹) (¹by BOI¹)» «joi cy BOI¹)»} VAU]
  • [i vei (¹[na'e bo] [{ny BOI} {su'i «pa BOI»}] LUhU¹) VEhO» «by BOI»} {joi «cy BOI»}] VAU)

li'u

ni'o

ka'e claxu zo vei ja zo pe'o

i zu'u lo catni gerna na curmi lo nu lo mekso noi se pagbu lo fancu je cu ku'i claxu zo vei jonai zo li cu jbini lo drata stura

i zu'unai la zantufa xi pi ci zo'u va'o so'o da zo vei ja zo li ja zo pe'o cu ka'e se claxu lo jufra

i mupli fa lu

  • ([{ny BOI} {su'i «pa BOI»}]
  • [i {«(¹ny BOI¹) (¹su'i [pa BOI]¹)» da} VAU]
  • [i {lo «(¹[ny BOI] [su'i {pa BOI}]¹) broda» KU} VAU]
  • [i {CU «(¹[ny BOI] [su'i {pa BOI}]¹) moi» VAU}]
  • [i {«(¹[ny BOI] [su'i {pa BOI}]¹) roi» KU} VAU]
  • [i {by BOI «xi su'i [ny BOI] [pa BOI]¹) KUhE»} VAU]
  • [i {su'i «(¹ny BOI¹) (¹pa BOI¹)» ku'e} mai])

li'u

i ku'i lo stura pe ma'oi XI ja ma'oi MAI zo'u tu'a lo fancu jbini cu se sarcu tu'a zo vei ju zo ve'o

i mupli fa lu

  • ([{da «xi vei [{ny BOI} {su'i «pa BOI»}] VEhO¹)»} VAU]
  • [i {vei «(¹ny BOI¹) (¹su'i [pa BOI]¹)» ve'o} mai])

li'u

i ji'a lo namcu porsi noi se jbini zo bo jonai cu jbini zo ke ce zo ke'e cu gendra

i va'i ma'a kakne lo nu kancu

i mupli fa lu

  • ([{pa BOI} {bo «re BOI»} {bo «ci BOI»} {bo «vo BOI»} {bo «mu BOI»}]
  • [i {ke «(¹xa boi¹) (¹ze boi¹) (¹bi boi¹) (¹so boi¹) (¹pa no¹) BOI» KEhE}])

li'u

ni'o

vimcu ma'oi NUhA je ma'oi JOhI

i la zantufa xi pi ci zo'u vimcu ma'oi NUhA ije zo nu'a cmavo ma'oi ME

i ma'oi ME ka'e lidne gonaibo lo sumti gi lo fancu gi lo mekso gi lo sumtcita

i lo nu go'i cu se jalge lo nu na'e nitcu zo xo'i i ku'i la zantufa xi pimu zo'u ma'i lo si'o sarxe kei zo xo'i cu cmima ma'oi ME

i ji'a vimcu ma'oi JOhI ije zo jo'i cmavo ma'oi VUhU

ni'o jo'au zantufa xi pimu

ma'oi NAhU cu me ma'oi MAhO ije ma'oi NIhE cu me ma'oi MOhE

i ma'oi MAhO ka'e lidne gonaibo lo mekso gi lo selbrisle gi lo sumti jecu se stura lo fancu i lo nu go'i cu se jalge lo nu ma'oi NAhU na'e se nitcu

i mupli fa lu

  • ([{ma'o ra TEhU} {pa BOI} KUhE]
  • [i {ma'o broda TEhU} {pa BOI} KUhE]
  • [i {ma'o «pa boi» TEhU} {pa BOI} KUhE])

li'u

i ma'oi MOhE ka'e lidne gonai lo selbrisle gi lo sumti jecu se stura lo namcu [1] i lo nu go'i cu se jalge lo nu ma'oi NIhE na'e se nitcu

i mupli fa lu

  • (su'i [{mo'e ra TEhU} {mo'e broda TEhU}] KUhE)

li'u

i ku'i ma'i lo si'o sarxe cylyly kei zo na'u fa'u zo ni'e cu cmavo ma'oi MAhO fa'u ma'oi MOhE

notci

  1. to na'e lidne lo fancu imu'ibo tu'a lu vu'u tu'o li'u cu se jalge lo dunli be tu'a lo'u mo'e vu'u le'u toi