maftufa/jbo

From Lojban
Jump to navigation Jump to search
banjubu'o / English

jo'au zantufa_1.1 ni'o ni'o

la maftufa noi va'i .oz. zei zantufa

i la'au lo se mànci te màkfa pe la .oz. li'u cu xe fanva la'o zoi The_Wonderful_Wizard_of_Oz zoi fu la selpa'i de'i'e li 2013

i lo go'i noi jufra cu tinbe lo gerna noi na'e ca'irselzau

i ku'i pu ze'u ku no lo genturfa'i mapti cu gubni

i mi seva'u lo tcidu be ra noi larcu cu ca ba'o finti lo genturfa'i no'u la maftufa noi va'i .oz. zei zantufa

i lo ckaji be lo se jimpe be mi bei lo oz zei jufra tarmi cu ka'e frica zu'i po lo fanva no'u la selpa'i

i ku'i mi pu troci lo nu lo gerna be fi lo xe fanva cu sarxe lo smuni be lo se fanva

i la maftufa_1.1 cu cerda lo gerna la maltufa_1.1 ce'o cu te galfi

i la'e di'e se ckaji la maftufa

ni'o ni'o

lo ckaji tcila be la maftufa be'o noi te frica be lo catni gerna

ni'o

lo cmevla cu selbrisle

i mu'a lo'u

la nakfamti .xenris. ku

le'u ei se genturfa'i

to dunli la zantufa toi

ni'o

ma'oi NIhO ka'e se kansa lo jonma'o

i mu'a lo'u

broda ni'o ba bo lo cizra cu fasnu

le'u ei se genturfa'i

i ko sanji lo nu lo'u ni'o ba bo broda le'u noi claxu lo lidne cu na gendra

i va'i sarcu fa lo nu lo jufra cu li'erla'i

to dunli la zantufa_1.1 toi

ni'o

lo jufra jonma'o cu ka'e te jorne la fragment la sentens

i mu'a lo'u

ni'o «lu lo vilcarbi'e ti muvdu doi .em. —sei xy fi lo speni cu cladu cusku— .i mi ba kurji lo danlu li'u» .i ba bo bajra fa'a lo ta'ozda noi lo bakni jo'u lo xirma cu se setca fi ke'a

le'u ei se genturfa'i

to frica ro la zantufa ku poi ralju i ko te ciksi fo lo zantufa ve ciksi i ma'i la zantufa_1.1 lu lu'ei broda li'au i je brode li'u cu basti lo'u lu broda li'u i je brode le'u ne la oz toi

ni'o

lo selma'o no'u lo'u LU, TO, LUhEI le'u cu ka'e li'erla'i lo'u JOI jufra le'u

i mu'a lo'u

ni'o «lu se ju lo do zdani cu co'e —sei lo cmalu ke tolci'o ninmu fau lo nu cisma cu cusku— .i je la'e di'u mintu .i ko catlu —sei ny fau lo nu degja'o lo kojna be lo zdani cu di'a co'e— .i lo re jamfu be ty cu za'o bancu fi lo cnita be lo mudri bliku li'u»

le'u ei se genturfa'i

ni'o

lo ga'e zei lerfu cu na'e krati lo basna sance

i mu'a lo'u

KO CuRMI LO NU LA .DoROTIS. CU KLaMA LA RI'oJME TCaDU

le'u ei se genturfa'i

to po'o stika tu'a lo preproc zei proga toi

ni'o

ma'oi SE ka'e li'erla'i ma'oi FAhA

i mu'a lo'u

lo ckagai cu marji lo blanu bukpu .i je la .dorotis. cu panpi sipna se ru'u cy co'u lo cerni

le'u ei se genturfa'i

to ji'a la zantufa cu curmi tu'a la'e di'u sepi'o lo gerna noi zmadu fi lo ka sampu toi

ni'o

ma'oi FEhE ka'e li'erla'i ma'oi PU

i mu'a lo'u

ni'o lo vi cange cu na sai simsa lo fe'e pu cange lo ka xamgu se kurji

le'u jo'u lo'u

ni'o fe'e ca ku no bitmu cu jibni lo klaji mlana .i je lo gugde cu rufsu gi'e nalzilplixa

le'u ei se genturfa'i

to ji'a la zantufa cu curmi tu'a la'e di'u sepi'o lo gerna noi zmadu fi lo ka sampu toi

ni'o

lo'u jufra I JA da ZOhU jufra le'u cu gendra

i mu'a lo'u

lo barda grufoi cu ragve lo bitmu .i je lo naldarno zo'u dy viska lo cpitepygau noi galtu zvati lo grana te zu'e lo nu fanta lo nu lo cipni cu jbibi'o lo makcu gurni

le'u jo'u lo'u

ku'i mi na djica lo nu lo prenu mi te cmene zo bebna .i je va'o lo nu lo mi stedu cu stodi lo ka culno lo po'o sudysrasu jo'u nai lo besna zo'u: ta'i ma mi ka'e djuno su'o da

le'u ei se genturfa'i

to ma'i la zantufa poi ralju cu na curmi tu'a la'e di'u noi na'e sarxe lo lojyske toi

ni'o

lo'u NU GA da ZOhU jufra GI de ZOhU jufra le'u cu gendra

i mu'a lo'u

.i ku'i lo mi patfu pu pa roi klama ca lo nu mi nanla .i je py cu cusku lo se du'u ge clani nu litru pa'o lo ckape gugde gi ku'i bu'u lo zmadu be fi lo ka jibni lo tcadu poi la .oz. cu xabju zo'u lo gugde cu melbi

le'u ei se genturfa'i

to ji'a la zantufa cu curmi tu'a la'e di'u sepi'o lo gerna noi zmadu fi lo ka sampu toi

ni'o

lo'u bridi_tail gi ju'e bridi_tail le'u cu gendra

i mu'a lo'u

do me ma gi ju'e klama ma

le'u ei se genturfa'i

to za'a lo fanva cu te mukti i ma'i la zantufa ku da'i lo'u ju'e cu le'u basti lo'u gi ju'e le'u toi

ni'o

lo'u LE tag mex broda le'u cu gendra

i mu'a lo'u

viska lo vi so'i smacu

le'u ei se genturfa'i

to la zantufa cu fliba lo nu genturfa'i la'e di'u noi vajni fi lo ka se pensi toi

ni'o

lo porsi be fi su'o re tag cu tag

i mu'a lo'u

mi pu ro roi jinvi lo du'u mi barda gi'e tsali .i to'e se ki'u bai bo lo tai cmalu dacti be mu'u lo xrula mi na ru'e mrogau .i je lo tai cmalu danlu be mu'u lo smacu cu nurgau lo mi nunji'e

le'u ei se genturfa'i

to ji'a la zantufa cu curmi tu'a la'e di'u sepi'o lo gerna noi zmadu fi lo ka sampu toi

ni'o

lu ... li'u ka'e basti zo co'e

i mu'a lo'u

ni'o lo cmalu nixli cu co'a klaku .i ny tai mutce lo ka nalfaudri .i je lo kanla cu za'u re'u ... gi'e xanka catlu ny tai lo nu da'i la banli .oz. cu jinvi lo du'u ny ka'e sidju va'o lo nu da'i troci

le'u ei se genturfa'i

to po'o stika tu'a lo preproc zei proga toi

ni'o

lo'u selbri_2 ke'e be le'u ka'e na'e se lidne zo ke

i mu'a lo'u

mi do ba dunda lo brarai je xedrai je pamrai ke'e be lo ro risna pe lo mulno gugde pe la .oz.

le'u ei se genturfa'i

ni'o

ma'oi JAI ka'e tcita lo sumti

i mu'a lo'u

.i jai do co'u lo nu do zukte lo mi se djica cu na citka da

le'u jo'u lo'u

.i jai do ba cpacu lo risna

le'u ei se genturfa'i

i sa'unai di'u noi jufra cu xe fanva

zoizoi

"You shall have nothing to eat until you do as I wish."
"you shall have a heart."

zoi i ku'i lu

pu se manci vlipa jai se gasnu

li'u ji'a ru'i ei gendra soi frica ma'oi BAI

to la zantufa cu fliba lo nu genturfa'i la'e de'u noi vajni fi lo ka se pensi toi

ni'o

zo su'i cmima ma'oi JOI

i mu'a lo'u

.i lo ro mei cu cadzu ze'a pi ro lo ca djedi su'i pi su'o lo bavla'i

le'u jo'u lo'u

.i ze'a lo donri su'i lo nicte mi litru pa'o lo vacri

le'u ei se genturfa'i

i ku'i zo su'i ka'e ji'a operator i va'o bo la maftufa la zantufa cu dunli lo ka mekso

ni'o ni'o

lo la'a cfila be lo jufra

i pi so'a lo pagbu be lo .oz. zei jufra cu se genturfa'i la maftufa i ku'i la'e de'e po'o noi pagbu lo jufra cu na se genturfa'i ja cu genturfa'i ja'e lo cizra i pe'i lo go'i cu na'e se mukti fi lo fanva no'u la selpa'i je cu ka'e cfila po'o

to ji'a lo so'o drata be mi pu zu finti lo liste be lo cfila i la'a so'o di'e cmima lo se go'i toi

jo'au maftufa_1.1 do'u i tu'e

lo cfila be lo oz zei jufra bei ma'i la maftufa
lo oz zei jufra lo jufra co se stidi be mi
.i la .dorotis. cu tsebi'o gi'e sajbi'o lo nu ge nai lo zdani cu muvdu gi na'e manku ki'u lo carmi solgu'i cu pagre lo canko fau lo nu culgau lo cmalu kumfa .i la .dorotis. cu tsebi'o gi'e sajbi'o lo nu ge nai lo zdani cu muvdu gi na'e manku ki'u lo nu lo carmi solgu'i cu pagre lo canko fau lo nu culgau lo cmalu kumfa
ni'o la berti cu zdani mi —sei lo tolci'o ninmu cu cusku— .i je se korbi lo mintu ke barda kutytu'a poi sruri lo vi gugde pe la .oz .i uu ru'a doi pe mi dirba do bi'ai xabju kansa mi'a li'u» ni'o «lu la berti cu zdani mi —sei lo tolci'o ninmu cu cusku— .i je se korbi lo mintu ke barda kutytu'a poi sruri lo vi gugde pe la .oz .i uu ru'a doi pe mi dirba do bi'ai xabju kansa mi'a li'u»
KO CuRMI LO NU LA .DoROTIS.
CU KLaMA LA RI'oJME TCaDU
li'u»
«lu
KO CuRMI LO NU LA .DoROTIS.
CU KLaMA LA RI'oJME TCaDU
li'u»
ni'o ca lo nu dy ba'o co'a tatpi lo nu catlu lo nundansu kei la .bok. cu klagi'a dy lo zdani nenri noi bu'u ke'a by dunda fi dy fe lo kumfa poi vasru lo melbi ckana ni'o ca lo nu dy ba'o co'a tatpi lo nu catlu lo nundansu kei kei la .bok. cu klagi'a dy lo zdani nenri noi bu'u ke'a by dunda fi dy fe lo kumfa poi vasru lo melbi ckana
ni'o «lu ko sabji fi lo mi cnebo —sei la tinci mudypre cu spusku— li'u» .i ja'o dy sabji .i je ki'u lo nu furtirse mutce kei la cpitepygau cu co'a jgari lo stedu gi'e toljursa muvgau sy fau lo nu zunle fa'u pritu cargau kei co'u lo nu muvdu zifre .i je ba bo lo nanmu cu kakne lo ka muvgau sy zu'e ny po'o li'u» ni'o «lu ko sabji fi lo mi cnebo —sei la tinci mudypre cu spusku— li'u» .i ja'o dy sabji .i je ki'u lo nu furtirse mutce kei la cpitepygau cu co'a jgari lo stedu gi'e toljursa muvgau sy fau lo nu zunle fa'u pritu cargau kei co'u lo nu muvdu zifre .i je ba bo lo nanmu cu kakne lo ka muvgau sy zu'e ny po'o
ni'o la .dorotis. cu ca lo nu by ca'o cadzu cu tai junri pensi ja'e lo nu dy na sanji ca je fe lo nu la cpitepygau cu tapflifa'u fi lo kevna gi'e gunro fa'a lo drata mlana be lo dargu ni'o la .dorotis. ca lo nu by ca'o cadzu cu tai junri pensi ja'e lo nu dy na sanji ca je fe lo nu la cpitepygau cu tapflifa'u fi lo kevna gi'e gunro fa'a lo drata mlana be lo dargu
ny zu'u nai pu nupre lo nu speni mi ca lo nu mi te pleji lo banzu be lo nu zbasu lo xagmau zdani se va'u ny .i se mu'i bo mi pu zukte lo ka gunka fi'o se camzma ro lo me lo purci moi ny zu'u nai pu nupre lo nu speni mi ca lo nu mi te pleji lo banzu be lo nu zbasu lo xagmau zdani se va'u ny .i se mu'i bo mi pu zukte lo ka gunka fi'o se camyzma ro lo me lo purci moi
ni'o mi pu jinvi lo du'u mi ca ba'o jinga fi la palci termafyfe'i kei gi'e gunka fi'o camzma ro lo me lo purci moi ni'o mi pu jinvi lo du'u mi ca ba'o jinga fi la palci termafyfe'i kei gi'e gunka fi'o camyzma ro lo me lo purci moi
ni'o la .dorotis. cu cusku no da .i ki'u bo dy cu se cfipu lo du'u ma kau poi me lo re pendo cu drani kei gi'e jdice lo du'u va'o lo nu do'a nai dy ka'e xruti la .kanzas. .e la fetfamti .em. cu na vajni mutce fa lo du'u ji kau gi'e gi la mudypre na se besna gi la cpitepygau na se risna gi lo re da cu cpacu lo se djica ni'o la .dorotis. cu cusku no da .i ki'u bo dy cu se cfipu lo du'u ma kau poi me lo re pendo cu drani kei gi'e jdice lo du'u va'o lo nu do'a nai dy ka'e xruti la .kanzas. .e la fetfamti .em. cu na vajni mutce fa lo du'u ge'i kau ge'i kau la mudypre na se besna gi la cpitepygau na se risna gi lo re da cu cpacu lo se djica
.i dy jo'u la .totos. cu citka lo ro moi be lo vo'a nanba .i je ca ku dy na djuno lo du'u lo re mei ba mo kau te zu'e tu'a lo cersai li'u» .i dy jo'u la .totos. cu citka lo ro moi be lo vo'a nanba .i je ca ku dy na djuno lo du'u lo re mei ba mo kau te zu'e tu'a lo cersai
ni'o la mudypre cu ba zi co'a gunka .i je ka'amru cu tai kinli ja'e lo nu lo tricu cu ba zi jibni lo ka se katna .i ba bo la cinfo cu punji lo ri tsali ke crane tuple lo tricu gi'e catke se rai lo ka vlipa ni'o la mudypre cu ba zi co'a gunka .i je lo ka'amru cu tai kinli ja'e lo nu lo tricu cu ba zi jibni lo ka se katna .i ba bo la cinfo cu punji lo ri tsali ke crane tuple lo tricu gi'e catke se rai lo ka vlipa
.i la tinci mudypre ba zi co'a pilno ri ka'amru .i je ca sai lo nu la .kalidas. cu na ru'e ba'o tolcliva lo tricu fanmo kei lo tricu cu farcu fi'o sance lo lautce fo lo brafe'a fau lo nu bevri lo tolmle je fe'ucmo malda'u .i je ro lo re da cu vlile se marxa bu'u lo kinli rokci be bu'u lo lolraipau .i la tinci mudypre ba zi co'a pilno lo ri ka'amru .i je ca sai lo nu la .kalidas. cu na ru'e ba'o tolcliva lo tricu fanmo kei lo tricu cu farcu fi'o sance lo lautce fo lo brafe'a fau lo nu bevri lo tolmle je fe'ucmo malda'u .i je ro lo re da cu vlile se marxa bu'u lo kinli rokci be bu'u lo lolraipau
.i ka'u misno fatci fa lo du'u va'o lo nu lo tai xrula cu tai so'i mei kei lo panci cu tai tsali ja'e lo nu ro da poi vasxu py cu sipybi'o .i je lo sipna va'o lo nu na to'o se bevri cu ze'e be sipna .i ka'u misno fatci fa lo du'u va'o lo nu lo tai xrula cu tai so'i mei kei lo panci cu tai tsali ja'e lo nu ro da poi vasxu py cu sipybi'o .i je lo sipna va'o lo nu na to'o se bevri cu ze'e ba sipna
.i lo xrula pu dukse lo ka tsali kei tu'a lo barda mutce danlu .i je dy pu randa ca lo fanmo gi'e farlu lo loldi vi lo cmalu ki lo korbi be lo makpapi foldi be'o noi fe'e co'a ke'a lo kukte srasu cu pre.a lo melbi ke crino foldi ca'u lo litru .i lo xrula pu dukse lo ka tsali kei tu'a lo barda mutce danlu .i je dy pu randa ca lo fanmo gi'e farlu lo loldi vi lo cmalu ki lo korbi be lo makpapi foldi be'o noi fe'e co'a ke'a lo kukte srasu cu preja lo melbi ke crino foldi ca'u lo litru
ni'o lo gunma fau lo nu la cinfo cu di'a kanro mulno gi'e di'a cinmo lo ka sevzi cu co'a litru fau lo nu se pluka zei mutce lo nu cadzu lo ranti je crino srasu .i je ba za lo na clani cu tolcliva lo pelxu kitybli dargu gi'e zazu re'u se farna la ri'ojme tcadu ku noi la banli .oz. cu xabju li'u» ni'o lo gunma fau lo nu la cinfo cu di'a kanro mulno gi'e di'a cinmo lo ka sevzi cu co'a litru fau lo nu se pluka zei mutce lo nu cadzu lo ranti je crino srasu .i je ba za lo na clani cu tolcliva lo pelxu kitybli dargu gi'e za'u re'u se farna la ri'ojme tcadu ku noi la banli .oz. cu xabju
ni'o si'a mi djica lo nu .obu dunda lo risna mi —sei la tinci mudypre cu cusku— li'u» ni'o «lu si'a mi djica lo nu .obu dunda lo risna mi —sei la tinci mudypre cu cusku— li'u»
ni'o «lu .obu ja'a co'e —sei lo crino nanmu cu cusku— .i je .obu prije je xamgu turni la ri'ojme tcadu .i ku'i lo prenu poi na stace gi'a kucli tu'a .obu zo'u: .obu mutce lo ka xlali .i je so'u da ba'o su'o roi darsi lo nu cpedu lo ka viska lo flira be .obu .i .i je la badypre be lo vrogai .i je mi ki'u lo nu do cpedu lo ka penmi la banli .oz. cu bilga lo ka klagi'a do la noldi'u ku pe .obu .i ku'i .ei pa mai do dasybi'o lo vi vistci li'u» ni'o «lu .obu ja'a co'e —sei lo crino nanmu cu cusku— .i je .obu prije je xamgu turni la ri'ojme tcadu .i ku'i lo prenu poi na stace gi'a kucli tu'a .obu zo'u: .obu mutce lo ka xlali .i je so'u da ba'o su'o roi darsi lo nu cpedu lo ka viska lo flira be .obu .i je la badypre be lo vrogai .i je mi ki'u lo nu do cpedu lo ka penmi la banli .oz. cu bilga lo ka klagi'a do la noldi'u ku pe .obu .i ku'i .ei pa mai do dasybi'o lo vi vistci li'u»
.i lo ji'a sai xabju be la tcadu cu nitcu lo ku dasni lo vistci .i lo ji'a sai xabju be la tcadu cu nitcu lo nu dasni lo vistci
.i so'i zarci cu zvati lo klaji .i je la .dorotis. cu viska lo nu ro poi nenri zy cu crino .i so'i zarci cu zvati lo klaji .i je la .dorotis. cu viska lo nu ro da poi nenri zy cu crino
ni'o lo litru cu pagre lo noldi'u vorme gi'e se klagi'a lo barda kumfa pe lo crino lolgai .e lo kukte ke crino nilce pe ri'ojme ni'o lo litru cu pagre lo noldi'u vorme gi'e se klagi'a lo barda kumfa pe lo crino lolgai .e lo kukte ke crino nilce pe lo ri'ojme
.i ky traji lo ka kukte gi'e cmalu kei lo ro kumfa pe lo munje kei gi'e vasru lo ranti je se kufra ckana pe lo boxfo co crino silka .e lo crino ke demsilka dorckabo'o .i ky traji lo ka kukte gi'e cmalu kei lo ro kumfa pe lo munje gi'e vasru lo ranti je se kufra ckana pe lo boxfo co crino silka .e lo crino ke demsilka dorckabo'o
ni'o pa mai tolyli'a lo barda balku'a noi ne'i ke'a lo so'i nolni'u .e lo so'i nolnau vu'o pe lo nolstu zi'e noi ro ke'a dasni lo ricfu taxfu ni'o pa mai tolyli'a lo barda balku'a noi nenri ke'a fa lo so'i nolni'u .e lo so'i nolnau vu'o pe lo nolstu zi'e noi ro ke'a dasni lo ricfu taxfu
ko mi xrugau benji la .kanzas. ku noi la fetfamti .em. .e la nakfamti .xenris. cu zvati — la .dorotis. cu junri cusku— ko mi xrugau benji la .kanzas. ku noi la fetfamti .em. .e la nakfamti .xenris. cu zvati —sei la .dorotis. cu junri cusku—
ni'o «lu lo nu do prije gi'e tsali gi'e lo nu no drata mi ka'e sidju —sei la cpitepygau cu spusku— li'u» ni'o «lu lo nu do prije gi'e tsali .e lo nu no drata mi ka'e sidju —sei la cpitepygau cu spusku— li'u»
ni'o la .oz. spuda lo nu cmoni kei la'e di'u gi'e ku'i rufsu cusku «lu va'o lo nu do je'a djica tu'a lo risna kei do bilga lo ka jerna li'u» ni'o la .oz. cu spuda lo nu cmoni kei la'e di'u gi'e ku'i rufsu cusku «lu va'o lo nu do je'a djica tu'a lo risna kei do bilga lo ka jerna li'u»
ni'o clira fa lo nu lo se bende cu klama lo ckana .i je condi sipna co'u tu'a lo dorgu'i lu'u noi ca ke'a se cikri'a lo nu lo crino nakyjipci poi xabju lo trixe bimselsru pe la noldi'u kei .e lo nu cmoni fa lo fetyjipci poi ba'o punji lo crino sovda ni'o clira fa lo nu lo se bende cu klama lo ckana .i je condi sipna co'u tu'a lo dorgu'i lu'u noi ca ke'a se cikri'a lo nu cmoni fa lo crino nakyjipci poi xabju lo trixe bimselsru pe la noldi'u kei .e lo nu cmoni fa lo fetyjipci poi ba'o punji lo crino sovda
ni'o lo re da cu denpa co'u lo nu la .dorotis. cu cikybi'o ca lo bavla'i cerni .i lo cmalu nixli cu terpa mutce ca lo nu viska lo barda derxi be lo kalsa labno .i ku'i la mudypre cu jungau dy boi ro da .i dy kirsku my lo nu nurgau kei gi'e tsebi'o te zu'e lo nu cersai citka noi ba ke'a lo gunma cu za'u re'u co'a litru li'u» ni'o lo re da cu denpa co'u lo nu la .dorotis. cu cikybi'o ca lo bavla'i cerni .i lo cmalu nixli cu terpa mutce ca lo nu viska lo barda derxi be lo kalsa labno .i ku'i la mudypre cu jungau dy boi ro da .i dy kirsku my lo nu nurgau kei gi'e tsebi'o te zu'e lo nu cersai citka noi ba ke'a lo gunma cu za'u re'u co'a litru
ni'o la palci termafyfe'i cu ge se spaji gi xanka vau ca lo nu viska lo barna be lo mebri ba la .dorotis. .i ki'u bo je'a djuno lo du'u ge nai la selna'i smani gi nai vo'a darsi lo ka crogau lo nixli tai su'o da ni'o la palci termafyfe'i cu ge se spaji gi xanka vau ca lo nu viska lo barna be lo mebri be la .dorotis. .i ki'u bo je'a djuno lo du'u ge nai la selna'i smani gi nai vo'a darsi lo ka crogau lo nixli tai su'o da
ni'o ba la'e di'u ty bevri no cidja lo pinfu cinfo .i ku'i ca ro djedi cu klama lo vrogai ca lo dormidju gi'e retsku «lu xu do bredi lo nu se jitro tai tu'a lo xirma li'u»
ni'o .e la cinfo cu spusku «lu na go'i .i va'o lo nu do nerkla lo vi bimselsru kei mi do ba batci li'u»
ni'o ba la'e di'u ty bevri no cidja lo pinfu cinfo .i ku'i ca ro djedi cu klama lo vrogai ca lo dormidju gi'e retsku «lu xu do bredi lo nu se jitro tai tu'a lo xirma li'u»
ni'o je la cinfo cu spusku «lu na go'i .i va'o lo nu do nerkla lo vi bimselsru kei mi do ba batci li'u»
.i ku'i va'o lo nu da'i snada lo ka cpacu la rijno cutci kei cy dunda lo ty lo ka vlipa poi zmadu ke'a pe ro lo drata dacti poi pu cirko .i ku'i va'o lo nu da'i snada lo ka cpacu la rijno cutci kei kei cy dunda fi ty fe lo ka vlipa poi zmadu ke'a pe ro lo drata dacti poi pu cirko
.i la .uinkis. ca lo nu sajbi'o lo du'u lo drata cu djitsa lo ka cliva cu dunda .i je la .totos. gi la cinfo pa solji djine .i la .uinkis. ca lo nu sajbi'o lo du'u lo drata cu djitsa lo ka cliva cu dunda fi ge la .totos. gi la cinfo fe pa solji djine
ni'o na go'i .i sy bilga lo ka tinbe fi lo dasni be la mapku .i co'o li'u» .i je ny cu to'o klama co nalselvi'a binxo fau lo nu ro lo smacu cu jersi ni'o «lu na go'i .i sy bilga lo ka tinbe fi lo dasni be la mapku .i co'o li'u» .i je ny cu to'o klama co nalselvi'a binxo fau lo nu ro lo smacu cu jersi
.i ky ki'u lo nu lo speni be ky cu na kakne lo ka jdari lo jvinu be mi'a cu klami'e mi'a ky noi zvati lo ricfoi kei ba lo nu spebi'o kei gi'e minde mi'a lo ka ro roi zvati da poi lo speni be ky na ka'e viska su'o la selna'i smani kei noi mi'a pu gleki lo ka tinbe ke'a kei ki'u lo nu ro mi'a pu terpa sy .i ky ki'u lo nu lo speni be ky cu na kakne lo ka jdari lo jvinu be mi'a cu klami'e mi'a ky noi zvati lo ricfoi ku'o ba lo nu spebi'o kei gi'e minde mi'a lo ka ro roi zvati da poi lo speni be ky na ka'e viska su'o la selna'i smani kei noi mi'a pu gleki lo ka tinbe ke'a kei ki'u lo nu ro mi'a pu terpa sy
.i ba lo nu so'i roi selsnagau cu se kargau lo mintu badypre pe lo vrogai be'o poi ly ke'a pu pa roi penmi .i ba lo nu so'i roi selsnagau cu se kargau lo mintu badypre pe lo vrogai zi'e poi ly ke'a pu pa roi penmi
.i ca lo nu lo prenu cu se jungau la badypre be lo vrogai lo du'u la .dorotis. pu rumgau la palci termafyfe'i pe la stici kei ro boi py jmaji lo sruri be lo litru gi'e jersi ly fau lo nu barda pregunma kei fa'a la noldi'u pe la .oz. .i ca lo nu lo prenu cu se jungau la badypre be lo vrogai lo du'u la .dorotis. pu rumgau la palci termafyfe'i pe la stici kei kei ro boi py jmaji lo sruri be lo litru gi'e jersi ly fau lo nu barda pregunma kei fa'a la noldi'u pe la .oz.
ni'o lo sonci pe lo crino zbikre cu za'o bandu sanli ca'u lo vorme .i ku'i sy ba zi nerklacru ly .i e ly cu za'u re'u se penmi lo melbi ke crino nixli noi ba zi klagi'a ro boi ly lo kumfa pe ly te zu'e lo nu ly cu ka'e surla co'u lo nu la banli .oz. cu bredi lo nu se penmi ly ni'o lo sonci pe lo crino zbikre cu za'o bandu sanli ca'u lo vorme .i ku'i sy ba zi nerklacru ly .i je ly cu za'u re'u se penmi lo melbi ke crino nixli noi ba zi klagi'a ro boi ly lo kumfa pe ly te zu'e lo nu ly cu ka'e surla co'u lo nu la banli .oz. cu bredi lo nu se penmi ly
ni'o «lu do ba'o kakne lo ka ze'u pensi —sei la tinci mudypre cu fengu cu cusku— li'u» ni'o «lu do ba'o kakne lo ka ze'u pensi —sei la tinci mudypre noi fengu cu cusku— li'u»
ni'o «lu do xlamau lo fadni —sei cpitepygau cu badri tonga cusku— .i do ticpre li'u» ni'o «lu do xlamau lo fadni —sei la cpitepygau cu badri tonga cusku— .i do ticpre li'u»
.i ro da klesi lo cipni .a lo danlu zo'u: mi kakne lo ka monfu'igau da .i ro da poi klesi lo cipni .a lo danlu zo'u: mi kakne lo ka monfu'igau da
ni'o «lu ni'o pu ku mi ca pa djedi cu galze'a ne'i lo vartisyboi .i je lo skori cu binxo lo ka se torni kei ja'e lo nu mi na ka'e di'a dizlo .i vy galze'a ja'e lo nu gapru lo dilnu .i tai darno ja'e lo nu lo flecu be lo vacri cu janli vy gi'e bevri vy ve'a lo minli be li so'i so'i .i ze'a lo donri su'i lo nicte mi litru pa'o lo vacri .i je ca lo cerni pe lo re moi be lo djedi mi cikybi'o gi'e viska lo nu lo vartisyboi cu fulta ga'u lo fange je melbi gugde
ni'o vy masno zenba lo ka dizlo .i je mi na sai se xrani .i ku'i mi zvati lo midju be lo fange prenu noi ca lo nu ke'a viska lo nu mi klama fi lo dilnu cu jinvi lo du'u mi banli te makfa .i li'a mi curmi lo nu py. jinvi la'e di'u kei ki'u lo nu py. terpa mi gi'e nupre lo ka zukte ro da poi mi djica lo nu vy ke'a zukte
ni'o «lu mi te zu'e sa'u lo nu mi se zdile .e lo nu lo xamgu prenu cu tolcando cu pu minde py lo ka zbasu lo vi tcadu .e lo mi noldi'u .i je py djica je xamgu zukte ro la'e di'u .i ba bo mi jinvi lo du'u mi lo gugde noi tai crino gi'e tai melbi cu te cmene «lu ri'ojme tcadu li'u» .i je te zu'e lo nu lo cmene cu zmadu mapti kei mi punji lo crino vistci ro lo prenu ja'e lo nu ro da poi se viska cu crino li'u»
ni'o «lu ni'o pu ku mi ca pa djedi cu galze'a ne'i lo vartisyboi .i je lo skori cu binxo lo ka se torni kei ja'e lo nu mi na ka'e di'a dizlo .i vy galze'a ja'e lo nu gapru lo dilnu .i tai darno ja'e lo nu lo flecu be lo vacri cu janli vy gi'e bevri vy ve'a lo minli be li so'i so'i .i ze'a lo donri su'i lo nicte mi litru pa'o lo vacri .i je ca lo cerni pe lo re moi be lo djedi mi cikybi'o gi'e viska lo nu lo vartisyboi cu fulta ga'u lo fange je melbi gugde
ni'o vy masno zenba lo ka dizlo .i je mi na sai se xrani .i ku'i mi zvati lo midju be lo fange prenu noi ca lo nu ke'a viska lo nu mi klama fi lo dilnu cu jinvi lo du'u mi banli te makfa .i li'a mi curmi lo nu py. jinvi la'e di'u kei ki'u lo nu py. terpa mi gi'e nupre lo ka zukte ro da poi mi djica lo nu vy ke'a zukte
ni'o mi te zu'e sa'u lo nu mi se zdile .e lo nu lo xamgu prenu cu tolcando cu pu minde py lo ka zbasu lo vi tcadu .e lo mi noldi'u .i je py djica je xamgu zukte ro la'e di'u .i ba bo mi jinvi lo du'u mi lo gugde noi tai crino gi'e tai melbi cu te cmene «lu ri'ojme tcadu li'u» .i je te zu'e lo nu lo cmene cu zmadu mapti kei mi punji lo crino vistci ro lo prenu ja'e lo nu ro da poi se viska cu crino li'u»
.i lo vartisyboi cu zenba lo ka plana kei gi'e galze'a fa'a lo vacri kei co'u lo nu ro mai lo lanka ku po'o cpana lo loldi li'u» .i lo vartisyboi cu zenba lo ka plana kei gi'e galze'a fa'a lo vacri vau co'u lo nu ro mai lo lanka ku po'o cpana lo loldi
ni'o «lu mi'o va'o lo nu la .dorotis. cu da'i gleki lo nu xabju la ri'ojme tcadu —sei cpitepygau cu di'a co'e— cu kansi'u lo nu gleki li'u» ni'o «lu mi'o va'o lo nu la .dorotis. cu da'i gleki lo nu xabju la ri'ojme tcadu —sei la cpitepygau cu di'a co'e— cu kansi'u lo nu gleki li'u»
ni'o .e la smani noltru fau lo nu za'u re'u krobi'o cu tolplo lo nalci gi'e to'o voikla pa'o lo canko fau lo nu pi ro lo bende cu jersi ni'o je la smani noltru fau lo nu za'u re'u krobi'o cu tolplo lo nalci gi'e to'o voikla pa'o lo canko fau lo nu pi ro lo bende cu jersi
mi ba'o xaksu lo makfa pe solji mapku mi ba'o xaksu lo makfa pe lo solji mapku
ni'o la termafyfe'i pe la snanu .i gy vlirai lo ro termafyfe'i gi'e turni la vonpre .i ji'a lo badydi'u pe gy cu se stuzi lo korbi be lo kutytu'a .i se ki'u bo ju'o cu'i gy djuno lo du'u ma kau tadji lo nu pagre ky li'u» ni'o «lu la termafyfe'i pe la snanu .i gy vlirai lo ro termafyfe'i gi'e turni la vonpre .i ji'a lo badydi'u pe gy cu se stuzi lo korbi be lo kutytu'a .i se ki'u bo ju'o cu'i gy djuno lo du'u ma kau tadji lo nu pagre ky li'u»
ni'o lo dargu cu sirji fi la snanu —sei lo sonci cu spuda— .i ku'i ti'e dy tolcau lo so'i ckape be lo litru .i zvati lo ricfoi fa lo cilce danlu .e lo lanzu be lo cizra prenu poi na djica lo nu lo fange cu pagre lo ra gugde .i ki'u ku no la vonpre cu su'o roi klama la ri'ojme tcadu li'u» ni'o «lu lo dargu cu sirji fi la snanu —sei lo sonci cu spuda— .i ku'i ti'e dy tolcau lo so'i ckape be lo litru .i zvati lo ricfoi fa lo cilce danlu .e lo lanzu be lo cizra prenu poi na djica lo nu lo fange cu pagre lo ra gugde .i ki'u ku no la vonpre cu su'o roi klama la ri'ojme tcadu li'u»
.i ca lo nu lo ro mei cu snura zvati lo loldi cu lafti la cpitepygau ku noi lo xadni be ke'a cu ba'o binxo lo ka pintce ku'o gi'e toljusyga'i lo sudysrasu pe cy lo draseltai .i ca lo nu lo ro mei cu snura zvati lo loldi cu lafti la cpitepygau ku noi lo xadni be ke'a cu ba'o binxo lo ka pinytce ku'o gi'e toljusyga'i lo sudysrasu pe cy lo draseltai
ni'o «lu da'i la'e di'u se jalge lo nu mi mutce lo ka tolgleki —sei la portcelanu noltruti'u cu spusku— .i sa'u nai vi ku bu'u lo mi'a gugde mi'a jmive co gleki gi'e ka'e ge tavla gi muvdu vau tai lo se nelci be mi'a .i ku'i ro da poi me mi'a zo'u: ca ro nu da se bevri fi lo darno kei lo da cidni cu tinsa binxo ja'e lo nu ro pa mei lo se kakne be da fa lo ka sirji sanli gi jo'u melbi se jvinu .i li'a lo nu mi'a ri ckaji cu ro pa mei lo jai se kanpe be fai lo ka mi'a zukte ca lo nu mi'a cpana lo fagzda kajna fa'u lo kajnyvroni'e fa'u lo xa'urku'a jubme .i ku'i lo mi'a nunji'e be bu'u lo vi gugde be mi'a cu mutce lo ka pukmau ni'o «lu da'i la'e di'u se jalge lo nu mi mutce lo ka tolgleki —sei la portcelanu noltruti'u cu spusku— .i sa'u nai vi ku bu'u lo mi'a gugde mi'a jmive co gleki gi'e ka'e ge tavla gi muvdu vau tai lo se nelci be mi'a .i ku'i ro da poi me mi'a zo'u: ca ro nu da se bevri fi lo darno kei lo da cidni cu tinsa binxo ja'e lo nu ro pa mei lo se kakne be da fa lo ka sirji sanli gi jo'u melbi se jvinu .i li'a lo nu mi'a ri ckaji cu ro pa mei lo jai se kanpe be fai lo ka mi'a zukte ca lo nu mi'a cpana lo fagzda kajna fa'u lo kajnyvroni'e fa'u lo xa'urku'a jubme .i ku'i lo mi'a nunji'e be bu'u lo vi gugde be mi'a cu mutce lo ka pukmau li'u»
ni'o «lu da'i mi va'o ji'a sai lo nu mi zildu'a lo mulno munje cu na zukte fi lo nu do tolgleki —sei la .dorotis.— .i se ki'u bo mi ba cusku zo co'o li'u» ni'o «lu da'i mi va'o ji'a sai lo nu mi zildu'a lo mulno munje cu na zukte fi lo nu do tolgleki —sei la .dorotis. cu cusku— .i se ki'u bo mi ba cusku zo co'o li'u»
fi'o doi io noltru be lo danlu fi'i doi io noltru be lo danlu
ni'o la cinfo cu xruti lo rickalri noi lo danlu pe lo ricfoi cu denpa cy bu'u ke'a cu jgira cusku: ni'o la cinfo cu xruti vo'a lo rickalri noi lo danlu pe lo ricfoi cu denpa cy bu'u ke'a ku'o gi'e jgira cusku:
ni'o la .glindas. crasa'obi'o gi'e cinba lo titla je gapselfa'a flira be lo prami je cmalu nixli ni'o la .glindas. cu crasa'obi'o gi'e cinba lo titla je gapselfa'a flira be lo prami je cmalu nixli

tu'u