la pipno mensi re mei

From Lojban
Revision as of 17:32, 4 November 2013 by Tsani (talk | contribs)
(diff) ← Older revision | Latest revision (diff) | Newer revision → (diff)
Jump to navigation Jump to search

(to'i .i la tsani cu finti .i te gerna be fi la .gijas. i lo te gerna be fi lo fadni cu cnita toi)

ni'o ni'o la kensa cu pensi lo du'u ca ma kau lo vo'a patfu cu xruti fi tu'a lo zdani .i pu zu lo masti be li so'o, lo patfu cu cliva la .paris. mu'i lo nu jamna .i py banli ke jenmi jatna gi ja'e bo so'i roi ze'u na'e zdani zvati .i ku'i lo ca nu jibykai cu simlu lo ka se ditcu bramau lo jai purci

ni'o lo nu lo patfu cu na zvati cu se jalge lo nu lo mamta je lo ky. mensi je la kensa cu nanmu nonselkansa ke zdani xabju .i je lo mamta ku ji'a cu so'i roi na zvati gi mu'i bo pendo vitke fi'o se casnu lo na'e te jimpe be fi lu'a lo mensi simxu

ni'o ca pa nu lo re mensi ku po'o cu zdazva kei, lo vorme cu se sance .i la kensa ku noi jai nanca zmadu la murse cu vorme kargau gi ja'e bo viska lo barda nanmu .i ri cu cusku lu mi'a bevri se jibri .i xu ti zdani la talsa ku noi banli ke jenmi jatna li'u .i ky skuspu fi lu .i go'i .i ku'i na ca zvati .i mi tixnu li'u .i lo barda nanmu cu cusku lu .i prane .i lo do patfu cu minde fi lo ka bevri lo va pipno je ji'a ti poi xatra li'u .i ky te dunda lo xatra .i je lo bevri se jibri cu di'a tavla se cu'u lu .i .e'o denpa lo nu mi'a cpacu lo pipno lo bevri karce li'u .i ca lo nu lo me lo vorme moi cu tavla simxu kei, la murse cu jbibi'o gi je tinju'i lo se cusku .i my boi ky cusku be lu ue sai pipno ! li'u .i la kensa cu cusku lu ie sai ! .i .e'o mi tcidu fi lo xatra .i cusku lu doi selpa'i tixnu be mi, mi do mrilu be lo pipno .i mu'i bo mi xenru lo nu mi na kakne lo ka zdazva fi'o se kansa do .i .a'o lo pipno do mansa .i py se krasi lo brito gugde gi je se finti je se zbasu lo certu carmi .i ji'a kargu mutce .i mi'e la talsa mu'o li'u .i .u'e ba banli vau .i'o sai li'u .i lo mensi re mei cu cisma kansi'u

ni'o ba lo nu loi bevri se jibri cu punji lo pipno lo zdani gi je lebna lo tolci'o pipno poi pu zvati kei, lo re mensi cu ze'u catlu lo pipno .i py simlu lo ka se zbasu lo larcu prenu kei je lo ka lo ce'u mudri cu skari lo makfa .i lo mudri cu melbi se gusni lo me lo dormidju balvi moi gi je minra fo lo denmi pe'a je ke bunre joi xekri .i lo re mensi cu ja'a manci .i la murse lo mensi no'u la kensa cu cpedu be zo'e ne se cu'u lu .i .e'o do mi ctuca co zgipli lo nobli .i zanru ke stedu be ky. sinxa .i je lo re mensi cu zutse lo ganra ke pipno stizu .i co'a ctuca fi'o zgike lo me la .motsart. moi (to'i la'e zoi .url. http://www.youtube.com/watch?v=vZNsKmJSIFQ .url. toi) .i lo sance cu melbi gi je pe'a se tisna lo kumfa

ni'o ku'i la murse cu masno binxo lo ka se tolzdi .i la kensa my cremau se ja'e lo nu ky boi my. tolci'o zmadu ku ra'u .i la murse cu tolzdi se mukti cusku lu .e'o do sa'u zgipli .i mi tatpi .i .au mi tinju'i po'o li'u .i ku'i sei ku'i la kensa na cusku ky ji'a binxo lo ka se tolzdi lo ka mensi ctuca .i bo ky ji'a djica lo nu ky sa'u zgipli .i ky cisma gi je zanru cusku fi lo mensi vau fau lo nu lo mensi cu binxo co zutse lo condi je kicne stizu poi darno zmadu milxe .i ky co'a zgipli la .tik.tok.cok. ne fi'e la .kuperen. (to'i la'e zoi .url. http://www.youtube.com/watch?v=wPWMlozkn58 .url. toi) .i la murse cu catlu carmi gi je mutce co se pluka tu'a lo zgike .i ku'i la kensa co'a ganse lo ka na kanro .i na ku'i zgipli sisti vau .u'e .i sei simlu lo pipno cu bapli lo nu ca'o zgipli vau ue sai ! .i lo blabi pe'a zgike poi pe'a pu se tisna lo kumfa cu masno zenba lo ni xekri .i pe'a lo vacri cu binxo lo ka se rirxe lo titla dukse ckafi .i je pe'a lo xance be la kensa cu tinsa binxo fau ku'i ue lo nu ca'o na zgipli sisti .i lo zgike cu binxo co se sance simsa la .dans.makabr. ne fi'e la .sen.saiens. (to'i la'e zoi .url. http://youtu.be/RU2vGFvG21E?t=5m34s .url. zoi toi) .i je binxo co fenki je ji'a sutra je ji'a masno je ji'a kurki je ji'a ro mai nicte .i la kensa cu farlu sanji be co'a co'u

ni'o smaji mutce ca lo nu lo la kensa ku kanla cu kalri binxo .i viska la murse ku noi ke'a klaku jgari lo xadni be ky ku'o gi je cusku lu ue cai doi mensi iu do ca'o jmive ! .i ke'u do jmive ! li'u .i sei ruble la kensa cu masno kakne bo binxo skuspu fi lu .i go'i li'u gi je kafke gi je di'a tavla se cu'u lu .i pe'i mi di'a ru'e kanro li'u .i ky troci co sanli binxo .i ku'i re re'u farlu ca lo nu pilno lo xance lo nu xy sanli binxo zbepi .i sei ky se cfipu ky catlu lo xance gi je ku'i carmi co se cfipu joi steba joi badri la'e di'e .i lo xance cu xekri joi blanu .i je ky kakne be naku co muvgau lo degji .i lo xance cu morsi .i sei ky co'a klaku ky binxo lo ka no roi ze'e ba kakne co pipno zgipli




ni'o ni'o la kensa cu pensi lo du'u ca ma kau lo vo'a patfu cu xruti fi tu'a lo zdani .i pu zu lo masti be li so'o, lo patfu cu cliva la .paris. mu'i lo nu jamna .i py banli ke jenmi jatna gi'e ja'e bo so'i roi ze'u na'e zdani zvati .i ku'i lo ca nu jibykai cu simlu lo ka se ditcu bramau lo jai purci

ni'o lo nu lo patfu cu na zvati cu se jalge lo nu lo mamta .e lo ky. mensi .e la kensa cu nanmu nonselkansa ke zdani xabju .i je lo mamta ku ji'a cu so'i roi na zvati gi'e mu'i bo pendo vitke fi'o se casnu lo na'e te jimpe be fi lu'a lo mensi simxu

ni'o ca pa nu lo re mensi ku po'o cu zdazva kei, lo vorme cu se sance .i la kensa ku noi jai nanca zmadu la murse cu vorme kargau gi'e ja'e bo viska lo barda nanmu .i ri cu cusku lu mi'a bevri se jibri .i xu ti zdani la talsa ku noi banli ke jenmi jatna li'u .i ky skuspu fi lu .i go'i .i ku'i na ca zvati .i mi tixnu li'u .i lo barda nanmu cu cusku lu .i prane .i lo do patfu cu minde fi lo ka bevri lo va pipno .e ji'a ti poi xatra li'u .i ky te dunda lo xatra .i je lo bevri se jibri cu di'a tavla se cu'u lu .i .e'o denpa lo nu mi'a cpacu lo pipno lo bevri karce li'u .i ca lo nu lo me lo vorme moi cu tavla simxu kei, la murse cu jbibi'o gi'e tinju'i lo se cusku .i my boi ky cusku be lu ue sai pipno ! li'u .i la kensa cu cusku lu ie sai ! .i .e'o mi tcidu fi lo xatra .i cusku lu doi selpa'i tixnu be mi, mi do mrilu be lo pipno .i mu'i bo mi xenru lo nu mi na kakne lo ka zdazva fi'o se kansa do .i .a'o lo pipno do mansa .i py se krasi lo brito gugde gi'e se finti je se zbasu lo certu carmi .i ji'a kargu mutce .i mi'e la talsa mu'o li'u .i .u'e ba banli vau .i'o sai li'u .i lo mensi re mei cu cisma kansi'u

ni'o ba lo nu loi bevri se jibri cu punji lo pipno lo zdani gi'e lebna lo tolci'o pipno poi pu zvati kei, lo re mensi cu ze'u catlu lo pipno .i py simlu lo ka se zbasu lo larcu prenu kei .e lo ka lo ce'u mudri cu skari lo makfa .i lo mudri cu melbi se gusni lo me lo dormidju balvi moi gi'e minra fo lo denmi pe'a je ke bunre joi xekri .i lo re mensi cu ja'a manci .i la murse lo mensi no'u la kensa cu cpedu be zo'e ne se cu'u lu .i .e'o do mi ctuca co zgipli lo nobli li'u .i zanru ke stedu be ky. sinxa .i je lo re mensi cu zutse lo ganra ke pipno stizu .i co'a ctuca fi'o zgike lo me la .motsart. moi (to'i la'e zoi url http://www.youtube.com/watch?v=vZNsKmJSIFQ url toi) .i lo sance cu melbi gi'e pe'a se tisna lo kumfa

ni'o ku'i la murse cu masno binxo lo ka se tolzdi .i la kensa my cremau se ja'e lo nu ky boi my. tolci'o zmadu ku ra'u .i la murse cu tolzdi se mukti cusku lu .e'o do sa'u zgipli .i mi tatpi .i .au mi tinju'i po'o li'u .i ku'i sei ku'i la kensa na cusku ky ji'a binxo lo ka se tolzdi lo ka mensi ctuca .i bo ky ji'a djica lo nu ky sa'u zgipli .i ky cisma gi'e zanru cusku fi lo mensi vau fau lo nu lo mensi cu binxo co zutse lo condi je kicne stizu poi darno zmadu milxe .i ky co'a zgipli la .tik.tok.cok. ne fi'e la .kuperen. (to'i la'e zoi .url. http://www.youtube.com/watch?v=wPWMlozkn58 .url. toi) .i la murse cu catlu carmi gi'e mutce co se pluka tu'a lo zgike .i ku'i la kensa co'a ganse lo ka na kanro .i na ku'i zgipli sisti vau .u'e .i sei simlu lo pipno cu bapli lo nu ca'o zgipli vau ue sai ! .i lo blabi pe'a zgike poi pe'a pu se tisna lo kumfa cu masno zenba lo ni xekri .i pe'a lo vacri cu binxo lo ka se rirxe lo titla dukse ckafi .i je pe'a lo xance be la kensa cu tinsa binxo fau ku'i ue lo nu ca'o na zgipli sisti .i lo zgike cu binxo co se sance simsa la .dans.makabr. ne fi'e la .sen.saiens. (to'i la'e zoi .url. http://youtu.be/RU2vGFvG21E?t=5m34s .url. zoi toi) .i je binxo co fenki je ji'a sutra je ji'a masno je ji'a kurki je ji'a ro mai nicte .i la kensa cu farlu sanji be co'a co'u

ni'o smaji mutce ca lo nu lo la kensa ku kanla cu kalri binxo .i viska la murse ku noi ke'a klaku jgari lo xadni be ky ku'o gi'e cusku lu ue cai doi mensi iu do ca'o jmive ! .i ke'u do jmive ! li'u .i sei ruble la kensa cu masno kakne bo binxo skuspu fi lu .i go'i li'u gi'e kafke gi'e di'a tavla se cu'u lu .i pe'i mi di'a ru'e kanro li'u .i ky troci co sanli binxo .i ku'i re re'u farlu ca lo nu pilno lo xance lo nu xy sanli binxo zbepi .i sei ky se cfipu ky catlu lo xance gi'e ku'i carmi co se cfipu joi steba joi badri la'e di'e .i lo xance cu xekri joi blanu .i je ky kakne be naku co muvgau lo degji .i lo xance cu morsi .i sei ky co'a klaku ky binxo lo ka no roi ze'e ba kakne co pipno zgipli