la nu lo skami mi tavla: Difference between revisions

From Lojban
Jump to navigation Jump to search
mNo edit summary
 
No edit summary
 
Line 1: Line 1:
#REDIRECT[[File:924.sip]]
sei la tsani cu finti
to'i finti fo da pe la teryrei toi
 
ni'o ni'o mi samkei .i ro lo mi pendo cu se cizra mi lo ka samkei .i mu'i bo de'i li pa so bi ji'i no lo ponse co skami cu so'u mei .i ji'a so'i lo prenu cu jinvi lo du'u lo skami cu pluja vau ue sai ! .i je'a ku'i sampu ki'u la'e di'e .i sa'u se lasna fi lo vidni gi ja'e bo se pilno .i lo tolci'o zmadu be mi cu pilno lo skami lo drata noi lo bi'u nai tolci'o cu jinvi lo du'u junri .i ku'i la'e di'u mi nalvai .i mi kelci .i je la'e di'u pluka mi
 
ni'o ca pa djedi ca lo nu mi pu zi mo'u xruti lo zdani lo ckule mi zutse lo crane be lo skami gi je pilno lo dikca vraga .i lo vidni cu binxo lo ka blanu kei gi je co'a fadni se zilci'a zoi zoi JBOSAM-BINONO zoi je ni'a bo zoi zoi > _ zoi noi sinxa lo du'u lo skami cu djica lo nu mi da minde be sy .i lo'e skami cu ja'a banli gi mu'i bo sampu .i lo pilno cu jdice lo du'u lo skami cu mo kau .i no roi ku lo skami cu jdice djica .i sa'e no roi ku lo skami da djica ----- sa .i na jetnu .i lo skami da ro roi djica .i sa'e pa da sy se djica .i sy djica lo nu lo pilno sy minde
 
ni'o mi sy. ciska be lu li'urkei li'u noi ke'a cmene lo samselkei poi mi ze'u lo masti cu ca'o na'e kakne lo ka jinga .i so'i lo drata samselkei zo'u mi jinga binxo ca lo nu co'a kelci kei ba za lo jeftu be li su'e re .i ku'i zo'e ne ca cu drata mutce .i ja'a nandu to .i se finti la datnyta'a ku noi samselkei po'o finti kagni .i la'a pa moi lo'i bi'u nai kagni .i bo ku'i mi tolmo'i toi
 
ni'o lo skami cu gunka se sance fi'o simsa milxe lo ckafi minji poi ba zi jukpa mulno .i lo sance cu zgike ga'a mi .i mi se pluka lo nu lo skami cu binxo ro lo mi te minde .i du'e da du'e de zo'u mi bilga lo ka da de te tinbe .i bo mi zanru lo du'u lo fatne ku pe'a cu fasnu
 
ni'o co'a lo nu lo skami cu datni bredi mulno kei mi kelci .i pa mai frili .i mi catra lo cidrtrolo .i je mi cpacu lo ckiku lo sivni ke lalxu nenri tanxe .i ku'i la'e di'u lo mi nu litru cu jai tolfa'o vau .oi nai .i ba za lo cacra mi nerbi'o lo ricfoi noi bu'u ke'a mi ro roi binxo co dukse lo ni fengu kei lo ka ca'o kelci .i ku'i ca lo cabdei mi jdice lo du'u mi jinga fi lo ricfoi .i mi jmicremau ry .i mi la'e di'u djuno .i ry samselpla po'o .i ry se finti da poi nanmu sa'u ku'o bu'u de poi briju .i mi ku'i se finti lo cevni .i mi ry. zmadu .i je mi kakne .i mi la'e di'u djuno
 
ni'o ba za lo ji'a cacra be li re mi ca'o nenri lo ricfoi .i mi ba'e xebni lo ricfoi .i pe'i mi xebni ro da poi tricu .i pe'i mi xebni lo skami ku ji'a sai ! .i lo skami cu palci .i lo skami cu djica lo nu do fengu .i lo skami cu bebna minji gi je se finti lo .o'o nai sai .oi ! ----- sa .i .ei mi ca'o junri .i .ei mi ca'o troci .i mi djuno lo du'u mi kakne
 
ni'o ba za lo ji'a cacra mi ja'a binxo lo ka tatpi .i mi jinvi lo du'u mi ba'o litru ro da pe lo ricfoi .i je mi ca'o na jimpe lo du'u ma kau tadji lo ka snada .i ne'i lo ricfoi da sinxa fi'o zilci'a lu .i lo se gusni cu manku .i lo se zgike cu smaji .i lo se mo kau cu jai frili .i lo go'i do jai se nitcu li'u .i la'a lo selkei finti cu jinvi lo du'u lo bi'u nai selci'a cu sidju .i ku'i mi no da se prali
 
ni'o ca'o ku mi catlu lo sinxa .i ze'u ku mi na pencu lo samci'atci .i mi catlu joi sa'u pensi .i no da tadji vau je'u .i co'a ku'i lo nu mi jdice co zukte be ba co kelci sisti kei, mi tirna lo cizra ne ra'i lo skami .i sampu sance gi je simsa lo nu lo prenu cu nazbi sanga .i cladu zenba je zenba gi ba bo binxo lo ka carmi .i lo vidni cu sei suksa se'u binxo lo ka xekri .i je lo skami co'a se sance so'i lo cizra co drata .i co'u gusni lo mi kumfa .i mi co'a je'a terpa fi'o xasne milxe .i sei masno carmi lo vidni midju co'a se zilci'a lu .i xu do ca'o jinvi lo du'u do mi zmadu li'u je zoi zoi > _ zoi .i mi na djuno lo du'u .ei mo kau .i lo skami cu mo vau ua nai sai ! .i lo po'o du'u lo stizu cu tinsa kei mi se pensi .i mi na kakne .i mi sy. badri ke skami ciska lu na go'i li'u .i lo vidni cu za'u re'u xekri binxo gi ba bo co'a se zilci'a lu .i xamgu .i ja'o mi jinga .i .e'o do ca cliva .i sa'e do kakne be na ku co sisti tu'a mi li'u .i na ku zoi zoi > _ zoi zilci'a .i bo ku'i la'e di'u na mukti lo nu mi na troci lo ka ciska lu sisti lo ka mo vau ua nai li'u .i ku'i lo nu mi samci'atci pilno cu rinka na ku lo nu vidni zilci'a .i lo pu se cusku be lo skami cu masno canci .i je lo cizra sance ne pu cu binxo lo ka sarxe zgike je lo ka simsa da poi se tirna da'i bu'u lo mronunsla
 
ni'o mi binxo co bilga lo ka to'e lebna lo skami .i spofu .i lo skami cu se minde .e'i .i .ei lo na tinbe cu se daspo
 
fa'o

Latest revision as of 17:32, 4 November 2013

sei la tsani cu finti to'i finti fo da pe la teryrei toi

ni'o ni'o mi samkei .i ro lo mi pendo cu se cizra mi lo ka samkei .i mu'i bo de'i li pa so bi ji'i no lo ponse co skami cu so'u mei .i ji'a so'i lo prenu cu jinvi lo du'u lo skami cu pluja vau ue sai ! .i je'a ku'i sampu ki'u la'e di'e .i sa'u se lasna fi lo vidni gi ja'e bo se pilno .i lo tolci'o zmadu be mi cu pilno lo skami lo drata noi lo bi'u nai tolci'o cu jinvi lo du'u junri .i ku'i la'e di'u mi nalvai .i mi kelci .i je la'e di'u pluka mi

ni'o ca pa djedi ca lo nu mi pu zi mo'u xruti lo zdani lo ckule mi zutse lo crane be lo skami gi je pilno lo dikca vraga .i lo vidni cu binxo lo ka blanu kei gi je co'a fadni se zilci'a zoi zoi JBOSAM-BINONO zoi je ni'a bo zoi zoi > _ zoi noi sinxa lo du'u lo skami cu djica lo nu mi da minde be sy .i lo'e skami cu ja'a banli gi mu'i bo sampu .i lo pilno cu jdice lo du'u lo skami cu mo kau .i no roi ku lo skami cu jdice djica .i sa'e no roi ku lo skami da djica ----- sa .i na jetnu .i lo skami da ro roi djica .i sa'e pa da sy se djica .i sy djica lo nu lo pilno sy minde

ni'o mi sy. ciska be lu li'urkei li'u noi ke'a cmene lo samselkei poi mi ze'u lo masti cu ca'o na'e kakne lo ka jinga .i so'i lo drata samselkei zo'u mi jinga binxo ca lo nu co'a kelci kei ba za lo jeftu be li su'e re .i ku'i zo'e ne ca cu drata mutce .i ja'a nandu to .i se finti la datnyta'a ku noi samselkei po'o finti kagni .i la'a pa moi lo'i bi'u nai kagni .i bo ku'i mi tolmo'i toi

ni'o lo skami cu gunka se sance fi'o simsa milxe lo ckafi minji poi ba zi jukpa mulno .i lo sance cu zgike ga'a mi .i mi se pluka lo nu lo skami cu binxo ro lo mi te minde .i du'e da du'e de zo'u mi bilga lo ka da de te tinbe .i bo mi zanru lo du'u lo fatne ku pe'a cu fasnu

ni'o co'a lo nu lo skami cu datni bredi mulno kei mi kelci .i pa mai frili .i mi catra lo cidrtrolo .i je mi cpacu lo ckiku lo sivni ke lalxu nenri tanxe .i ku'i la'e di'u lo mi nu litru cu jai tolfa'o vau .oi nai .i ba za lo cacra mi nerbi'o lo ricfoi noi bu'u ke'a mi ro roi binxo co dukse lo ni fengu kei lo ka ca'o kelci .i ku'i ca lo cabdei mi jdice lo du'u mi jinga fi lo ricfoi .i mi jmicremau ry .i mi la'e di'u djuno .i ry samselpla po'o .i ry se finti da poi nanmu sa'u ku'o bu'u de poi briju .i mi ku'i se finti lo cevni .i mi ry. zmadu .i je mi kakne .i mi la'e di'u djuno

ni'o ba za lo ji'a cacra be li re mi ca'o nenri lo ricfoi .i mi ba'e xebni lo ricfoi .i pe'i mi xebni ro da poi tricu .i pe'i mi xebni lo skami ku ji'a sai ! .i lo skami cu palci .i lo skami cu djica lo nu do fengu .i lo skami cu bebna minji gi je se finti lo .o'o nai sai .oi ! ----- sa .i .ei mi ca'o junri .i .ei mi ca'o troci .i mi djuno lo du'u mi kakne

ni'o ba za lo ji'a cacra mi ja'a binxo lo ka tatpi .i mi jinvi lo du'u mi ba'o litru ro da pe lo ricfoi .i je mi ca'o na jimpe lo du'u ma kau tadji lo ka snada .i ne'i lo ricfoi da sinxa fi'o zilci'a lu .i lo se gusni cu manku .i lo se zgike cu smaji .i lo se mo kau cu jai frili .i lo go'i do jai se nitcu li'u .i la'a lo selkei finti cu jinvi lo du'u lo bi'u nai selci'a cu sidju .i ku'i mi no da se prali

ni'o ca'o ku mi catlu lo sinxa .i ze'u ku mi na pencu lo samci'atci .i mi catlu joi sa'u pensi .i no da tadji vau je'u .i co'a ku'i lo nu mi jdice co zukte be ba co kelci sisti kei, mi tirna lo cizra ne ra'i lo skami .i sampu sance gi je simsa lo nu lo prenu cu nazbi sanga .i cladu zenba je zenba gi ba bo binxo lo ka carmi .i lo vidni cu sei suksa se'u binxo lo ka xekri .i je lo skami co'a se sance so'i lo cizra co drata .i co'u gusni lo mi kumfa .i mi co'a je'a terpa fi'o xasne milxe .i sei masno carmi lo vidni midju co'a se zilci'a lu .i xu do ca'o jinvi lo du'u do mi zmadu li'u je zoi zoi > _ zoi .i mi na djuno lo du'u .ei mo kau .i lo skami cu mo vau ua nai sai ! .i lo po'o du'u lo stizu cu tinsa kei mi se pensi .i mi na kakne .i mi sy. badri ke skami ciska lu na go'i li'u .i lo vidni cu za'u re'u xekri binxo gi ba bo co'a se zilci'a lu .i xamgu .i ja'o mi jinga .i .e'o do ca cliva .i sa'e do kakne be na ku co sisti tu'a mi li'u .i na ku zoi zoi > _ zoi zilci'a .i bo ku'i la'e di'u na mukti lo nu mi na troci lo ka ciska lu sisti lo ka mo vau ua nai li'u .i ku'i lo nu mi samci'atci pilno cu rinka na ku lo nu vidni zilci'a .i lo pu se cusku be lo skami cu masno canci .i je lo cizra sance ne pu cu binxo lo ka sarxe zgike je lo ka simsa da poi se tirna da'i bu'u lo mronunsla

ni'o mi binxo co bilga lo ka to'e lebna lo skami .i spofu .i lo skami cu se minde .e'i .i .ei lo na tinbe cu se daspo

fa'o