View source for la .teris. ku noi tigra cu stuvi'e lo barda tcadu

{{Ombox
| image = none
| text  = de'e noi lisri cu te gerna su'o na ca'irselzau .i zasti fa ji'a lo [[la .teris. po'u lo tirxu cu vitke zi'o le barda tcadu|me CLL jbobau versiio]]<p>The story on this page is written in an unofficial dialect. There is also a [[la .teris. po'u lo tirxu cu vitke zi'o le barda tcadu|CLL Lojban version]].</p>
}}

la .teris. ku noi tigra cu stuvi'e lo barda tcadu 

.i la .maikl. turniianskis. cu finti lo me CLL jbobau versiio je lo glicybau panra .i [[User:Cirko|la cirko]] cu fanva fi lo me di'e bankle

ni'o la .teris. ku noi tigra je lo pendo no'u la .elis. ku noi xanto jo'u la .zouis. ku noi xirnzebra cu xabju lo cicricfoi .i la .teris. ze'e ta'e djica lo ka stuvi'e lo barda tcadu noi lo vinji ga'u voikla .i se mu'i bo ca pa donri la .teris. co'a dzukla lo mi'u barda tcadu 

ni'o la .teris. za klama lo rirxe gi'e retsku fi lo finpe pe ry. fu lo du'u ma kau pluta lo tcadu .i lo finpe ty. spusku be lu «ko cadzu mo'i ne'a lo rirxe soi djedi li ci .i ba bo do viska ru» li'u .i la .teris. cu se gidva tu'a lu bu .i je se mo'u lo ci moi co donri la .teris. cu viska lo tcadu ui sai dai tergu'i .i cnidu'e .i se mu'i bo la .teris. cu jdice lo ka cadzu ze'a lo nicte ca'o

ni'o se co'a lo cerni la .teris. cu darca lo zarci poi se stuzi lo tcadu korbi .i nanla .i lu «ii cai tigra» li'u se cusku le nanla .i lu «ii cai nanla» li'u se cusku la .teris. (to lo nanla fa'u la .teris.  pu no roi zgana su'o tigra fa'u su'o nanla toi) .i lo nanla noi se cmene zo .mulis. cu ganse lo nu lo tigra na bradi ku gi'e retsku lo se du'u xu kau la .teris. cu djica lo ka te slabygau lo tcadu my. 

.i lu «ie sai .i ku'i ca zo'u mi djica lo ka sipna .i mi mutce co tatpi» li'u se cusku la .teris. 

.i lu «je'e .i mi'o zifre lo ka klama lo mi zdani» li'u se cusku la .mulis. 

.i se ki'u bo lo remei cu dzukla lo zdani be la .mulis.

ni'o ca lo nu klamu'o ku la .mulis. cu retsku fi lo ri mamta fe lu «.e'o .i .e'a pei mi bevri lo tigra lo zdani» li'u

.i lu «.e'a doi .mulis.» li'u se cusku lo mamta .i ki'u bo ri se jetmlu lo du'u la .mulis. cu selxarkei

.i se ja'e zo'u la .mulis. cu bevri la .teris. lo my. kumfa .i je ty. co'a sipna ga'u je re'o lo loldi .i ca bo my. klama lo bartu te zu'e lo nu kelci

ni'o lo mamta za krixa lu «doi .mulis. pu'o vacysai ... i ua nai doi .mulis.» li'u .i my. klama lo kumfa pe la .mulis. gi'e viska la .teris. ku noi sipna .i ra co'a krixa lu «ii cai lo tigra ba'o citka lo bersa be mi .i doi pulji ko sidju .i ko sidju .i doi pulji .i tigra .i tigra .i ko sidju» li'u gi'e to'o bajra .i lo bi'u nai savru cu cikri'a la .teris .i ri pi'egre lo canko gi'e bajra fa'a lo ri zdani ne lo cicricfoi gi'e nupre lo ka no roi ba cliva ri

== ca zo'u ko tinju'i lo nu tcitigi / Now listen to it ==

[[Media:la_.teris._(to_cabna_jbobau_toi).ogg|lo nu kli'iki dei cu rinka lo nu tirna]] (to bacru fa [[User:Cirko|la cirko]] toi)

[[Media:la_.teris._(to_cabna_jbobau_toi).ogg|Click to listen]] (read by [[User:Cirko|la cirko]])

{{:la .teris. bau lo glico}}