jbobau vlaste smuvelski staile se stidi be BPFK tsautu

From Lojban
Revision as of 22:31, 13 August 2015 by Ilmen (talk | contribs) (nu zasygau)
(diff) ← Older revision | Latest revision (diff) | Newer revision → (diff)
Jump to navigation Jump to search

ni'o tu'a dei papri co stidi lo du'u lo dei sidbo cu jai se zanru BPFK fai lo ka catni se zanru ke jbobau valsi smuvelski staile .i di'e tsautu prosa lo bi'unai staile selti'i to [ti] glibau panra papri toi

.i tu'e

ni'o pa mai ro da poi smuvelski jufmei zo'u va'o lo nu cumki zo'u .ei ge ro de poi tcidu da zo'u ge da de jmifrili gi de lo ka tcidu da cu kufra gi naku pandi da lo salpybu'i .a lo jminandu breviĭa .a su'o jai selja'e be lo nu tcidu ja jimpe nandu .i lo drata je smudu'i ke smuvelski jufra ka'e se jmina co ragve do'e lo rarbau fa'u lo jbobau fe lo mocle'u joi lerkoma fa'u lu .i va'i li'u .i lo liste be lo xe fanva mapti valsi cu .e'o se vasru lo vlaste veisle poi steci gi'e drata lo ralju ke smuvelski veisle

ni'o re mai va'o lo nu cumki zo'u .ei ro smuvelski jufmei cu sampu gi'e se zbasu fi lo sampu valsi to'e mu'i nai lo nu jalge fa lo nu jufmei bramau

ni'o ci mai ro da poi smuvelski jufmei zo'u .ei da tankomo lo ni smuni ganra co mapti ku lo ka kakne .i te zu'e bo da smuni mapti lo se kuspe be lo smuni be lo valsi poi se smuski

ni'o vo mai lo mapti ke xe fanva valsi cu .ei se vasru lo steci veisle

ni'o mu mai ro da poi valsi gi'e na lujvo cu .ei se zvakansa lo da vlakra datni ja'e lo nu frilymau fa lo nu morji da jo'u lo da krasi

ni'o xa mai ro da poi bridi smuvelski jufmei zo'u lo tersu'i poi se steci lo ka pa de sumti klesi ke'a ka'e cu .ei se kansa lo mapti ke sumti klesi tcita .i mu'a lo du'u zei sumti jo'u lo nu zei sumti jo'u lo zilkai jo'u lo ni zei sumti

ni'o ze mai lo selbri tersu'i sinxa zo'u .e'o lo ciste pe lu xy xi xo'e li'u se pilno .i lo terbri vlakra noi ra'u plixau va'o tu'a lo lujvo cu .ei se vasru lo notci veisle gi'a se vasru sei zanrai lo steci veisle

ni'o bi mai va'o lo zanrai ro da poi smuvelski jufmei gi'e zabna cu .ei se zvakansa su'o nunpli jufmupli gi'e se zvakansa lo ri xe fanva be fi lo da bangu va'o lo nu ri na jbobau .i lo bi'u nai jufmupli jo'u xe fanva cu da'i se vasru ga lo steci veisle va'o lo nu cumki gi lo notci veisle ku .e'u va'o lo nu da ciste fanta

tu'u