darvin

From Lojban
Jump to navigation Jump to search
The printable version is no longer supported and may have rendering errors. Please update your browser bookmarks and please use the default browser print function instead.

darvin

ro lo jmive pa kampu cu se dzena::
le nu ro ra ji'ercerda simjo'e::
i va'i ra pa cfari cu rarpo'e::
i ie ro ra poi vi terdi se jgena::
i lu'a lo jutsi ca le nu jbena::
cu jgina ke cunso cmadrata lo'e::
jutsi cmima i le so'u matco'e::
cu snada le nu ferti tsiju tcena::
i ri'a bo lo jutsi cu snobi'o::
su'o lo drata jutsi noi nalvi'o::
i selbitfau du'i le nu ba carvi::
i sa'enai di'u le pu'u farvi::
le lircinfo le nincinfo kei mi'o::
pu prije ve ti'icki la tcarls darvin::

mi'e xorxes

de'i li 1994;01;26