User:Guskant

From Lojban
Revision as of 07:58, 5 June 2015 by Guskant (talk | contribs) (zantufa)
Jump to: navigation, search
la .guskant.

.i la .guskant. noi lo nu de me ke'a cu se finti lo se finti be ke'a cu banjupunu la'a jbopre jecu se cuntu lo ji'a ka sanga

ni'o lo smitra be la .mankant.

la .mankant.

.i la .guskant. cu smitra la .mankant.[1] noi selfu la bripre jikca ku'o ta'i lo pu'u gy. dasni lo lacni je lo tebykre je lo mapku .i gy. jinvi lo du'u gy. prane lo ka smitra .i ku'i la bripre cu je'u djuno lo du'u la .mankant. cu du la .guskant.

ni'o lo finti la zantufa

zantufa bu jo'au_0 .i la .guskant. cu na'o te zabna fi lo nu stika lo ka gerna la .lojban. .i pa'a bo gy. carmi lo ka xebni lo nu to'e pairnu'i .i se ni'i bo gy. toldji lo nu tcidu gi'a srana lo jufra noi pagbu zo la'oi .a zo zo'oi .a zo me'oi .i ku'i La Bangu joi la .ilmentufa vu'o noi so'ova'e co xamgu gy. cu curmi tu'a ra noi to'e pairnu'i valsi .i ja'e ru'e bo lo so'i mei be lo .irci ji'a jo'u lo nintadni ji'a cu cusku lo jufra noi pagbu ra noi mabla valsi .i gy. toldji lo nu jikca ra no'u la carmi co pritu noi livbai lo polno [2] .i se mu'i bo gy. jdice lo du'u ba'a gugmu'u pe'a lo sezbanzu cmalu daplu noi stuzi be la zantufa .i ku'i ro da poi na pilno ra noi mabla valsi cu zanvi'e .ui gy. lo daplu .i ca ku [3] gy. ba'o finti lo ve farvi noi no moi po'o .i ba'a lo nu gy. snada lo ka gugmu'u pe'a lo daplu cu bazu fasnu .i .a'o zanfu'a la zantufa

ni'o lo notci

  1. to la .mankant. cu na'e me la'o fy. manquante .fy. no'u la ca'o (se) claxu je cu ku'i me la manku kantu ma'i lo si'o manku nejni toi
  2. to cu'u gy. toi
  3. to te'i li pi'e 2015_ny. 6_ly. 5_dy. te te'i U'yTyCy toi