Two Travelers and a Bear

From Lojban
Revision as of 23:52, 25 February 2015 by Ilmen (talk | contribs) (bastygau zo panzga zo sumnyzu'e)
Jump to navigation Jump to search

This is one of Aesop's fables.

xe fanva

to'i fanva fa la .ilmen. toi

ni'o lo re litru jo'u lo cribe

ni'o lo re remna cu kansi'u litru gi'e pagre lo ricfoi .i cabo suksa fa lo nu lo pa barda cribe cu se penmi

ni'o pa lo re remna tezu'e lo nu snura cu cpare pa tricu .i lo remna poi drata je goi ko'a zo'u ki'u gi ko'a na kakne lo ka damba lo cilce danlu gi ko'a sezre'o lo loldi gi'e zukte lo ka zvasto vreta ja'e lo nu ri mromlu .i ki'u bo ko'a frimo'i lo ka da xusra lo du'u lo'e cribe na pencu lo morsi .i simlu lo ka jetnu .i ki'u bo lo cribe cu zvajbibi'ozu'e gi'e panzga pi ro ko'a .i ko'a narva'uzu'e gi'e tankomo lo ka mromlu kei lo ka kakne .i ba zi bo lo cribe ko'a cliva ki'u lo nu no roi morsi pencu

ni'o ba lo nu lo cribe cu cliva kei lo remna poi zvati lo tricu cu dzicpare ri gi'e cusku lu pu faumlu fa lo nu lo cribe cu smasku fi lo do kerlo li'u ce'o lu .i ma se cusku li'u .i lo drata remna cu spusku lu lo cribe cu smusku lo du'u do na prije lo nu do se kansa lo prenu poi fesli'a do ca lo nu ckape li'u

no'i lo raktu cu cipra lo ka pendo stace