View source for jbobau vlaste smuvelski staile se stidi be BPFK tsautu

to [[BPFK_style_guidelines_for_Lojban_dictionary_definitions_%28proposal_draft%29|ti]] glibau panra papri toi

ni'o tu'a dei papri co stidi lo du'u lo dei sidbo cu jai se zanru BPFK fai lo ka catni se zanru ke jbobau valsi smuvelski staile
.i di'e tsautu prosa lo bi'unai staile selti'i

.i tu'e

== bangu na'e se steci ==

• ni'o pa mai ro da poi smuvelski jufmei zo'u va'o lo nu cumki zo'u .ei ge ro de poi tcidu da zo'u ge da de jmifrili gi de lo ka tcidu da cu kufra gi naku pandi da lo lerfi'ubu .a lo jminandu breviĭa .a su'o jai selja'e be lo nu tcidu ja jimpe nandu .i lo drata je smudu'i ke smuvelski jufra ka'e se jmina co ragve do'e lo rarbau fa'u lo jbobau fe lo mocle'u joi lerkoma fa'u lu .i va'i li'u .i lo liste be lo xe fanva mapti valsi cu .e'o se vasru lo vlaste veisle poi steci gi'e drata lo ralju ke smuvelski veisle

• ni'o re mai va'o lo nu cumki zo'u .ei lo smuvelski jufmei cu sampu gi'e sa'e ckaji lo ka ge lo stura be ce'u cu sampu gi lo valsi poi pagbu ce'u cu fadni vau ja'e lo nu ro da se jmifrili .i to'e mu'i nai bo lo nu ka'e jalge fa lo nu jufmei bramau lo pluja zmadu panra

• ni'o ci mai ro da poi smuvelski jufmei zo'u .ei da tankomo lo ni smuni ganra co mapti ku lo ka kakne .i te zu'e bo da smuni mapti lo se kuspe be lo smuni be lo valsi poi lo smuni be ke'a cu se skicu

• ni'o vo mai lo mapti ke xe fanva valsi cu .ei se vasru lo steci veisle

• ni'o mu mai ro da poi valsi gi'e na lujvo cu .ei se zvakansa lo da vlakra datni ja'e lo nu frilymau fa lo ka morji tu'a da jo'u lo da krasi

• ni'o xa mai ro da poi bridi smuvelski jufmei zo'u lo tersu'i poi se steci lo ka pa de sumti klesi gi'e mapti ke'a cu .ei se kansa lo mapti ke sumti klesi tcita .i mu'a lo du'u zei sumti jo'u lo nu zei sumti jo'u lo zilkai jo'u lo ni zei sumti

• ni'o ze mai lo selbri tersu'i sinxa zo'u .e'o lo ciste pe lu xy xi xo'e li'u se pilno .i lo terbri vlakra noi ra'u plixau va'o tu'a lo lujvo cu .ei se vasru lo notci veisle gi'a se vasru sei zanrai lo steci veisle

• ni'o bi mai va'o lo zanrai ro da poi smuvelski jufmei gi'e zabna cu .ei se zvakansa su'o nunpilno mupli jufra gi'e se zvakansa lo ri xe fanva be fi lo da bangu va'o lo nu ri na jbobau .i lo bi'u nai mupli jufra jo'u xe fanva cu da'i se vasru ga lo steci veisle va'o lo nu cumki gi lo notci veisle ku .e'u va'o lo nu da ciste fanta

== bangu se steci ==

=== fasybau ===

lo fasybau zo'u lo sumti ke jufra pagbu va'o so'e da jai sarcu fai lo ka su'o gadri simsa cu lidne .i ja'e bo nabmi nitcu lo ka facki lo du'u mo'oi kau gadri cu mapti ro tu'a lo fasybau velski be lo jbobau selbri .i BPFK stidi lo du'u fi mu'a lo ka fanva lo selbrivla poi se mapti ge no fasybau selbrivla gi su'o fasybau sumvla cu pilno fe lo za'e indefini zei gadri to mu'a zoi fy. x1 est un/une… .fy toi .i go'i lo du'u va'o lo nu su'o da poi tersu'i zo'u nitcu ja kaidji lo ka gau tcita da fa lo lamji sumvla co du'u ma kau ka'e sumti fi da zo'u pilno lo za'e jdefini zei gadri to mu'a zoi fy. x1 est un chien de l'espèce x2 .fy toi

'''mupli jufra'''
* « balni = x1 est une plate-forme en saillie sur la façade x2 »
* « cusku = x1 dit x2 (text) à l'intention de x3 via le moyen de communication x4 »
* « tcidu = x1 lit le texte x2 inscrit sur le support x3 »
* « danlu = x1 est un animal de l'espèce x2 »