View source for Sour Grapes

This is one of [[Aesop's fables]]. 

=Sour Grapes=
A hungry fox noticed a juicy bunch of grapes growing high on a grapevine. He leaped. He snapped. Drooling, he jumped to reach them, but try as he might, he could not obtain the tasty prize.

Disappointed by the fruitless efforts he'd made to get the grapes that day, he said, with a shrug, to comfort himself, "Oh, they were probably sour anyway!"

=Lojban Translations=

==loi slari vanjba==
(to [[la gleki]] cu traduki toi)

i lo lorxu, noi xagji, pu co'a sanji loi pa vanjba, poi jisra culno, gi'e ca'o galtu farvi, gi'e jorne lo stani. i le lorxu pu plipe. i le loxu pu bikla. i fau lo ka manci vau, le lorxu pu plipe te zu'e lo ka jgari lei vanjba. i je ku'i ja'e lo ka te rai troci vau, le lorxu nu'o snada lo ka lebna lo kukte se jdima.

i co'a lo ka badri lo na'e snada nu troci, poi le lorxu de'i zukte fi lo ka lebna li vanjba vau, le lorxu pu cusku fau lo ka co'a jdice je te zu'e lo ka co'a kufra vau, "lu y fau da'i ro da lei vanjba a'ucu'i slari li'u"

==ni'o da'o loi slari rutrviti==
to [[la ilmen]] cu fanva toi

ni'o ko'u noi lorxu gi'e xagji cu sanjycfa fo'i noi gunma lo'oi jisryvau rutrviti gi'e banro xoi galtu lo sparviti .i ko'u plipe .i ko'u bikla .i ko'u ca gi molylikpra gi plipe tezu'e lonu cpacu fo'i .ije ku'i ko'u ge tankomo loka troci ku loka kakne, ginai cpacu lo kukte terzilne'u

ni'o ko'u ca gi pacnytolcfa ki'u lonu na te snada fa lo cabdei ke nenxaksu nuntroci loka cpacu lo rutrviti, gi cusku, fau lo nu nalfaudri janmu'u ku, tezu'e lo nunkufra, lu .a'u cu'i slari la'a gi'e ja'ebo na selva'i li'u

==lo slari vanjba==
''sei la [[selpa'i]] cu fanva''

{| class="wikitable" border="0"
|style="width: 600px; background-color:#ffffcc;"| 
ni'o lo pa xàgji lòrxu cu cfasànji da poi gìrzu lo jìsryvau vànjba gi'e gàltu bànro re'o lo skòspa .i ly bàtytoi .i ly fau lo nu lo molylìtki cu rìnci lo mòklu cu plìpe te zu'e lo nu ka'e cpàcu .i ku'i ro da poi ni tròci zo'u: da na bànzu lo nu snàda lo ka cpàcu lo kùkte seljì'a

ni'o lo lòrxu fau lo nu nalfàudri lo nu snàda lo se tròci poi ly ca lo càbdei cu tròci te zu'e tu'a lo vànjba cu cùsku fau lo nu jànco slìgau je te zu'e lo nu drijdìkygau lo sèvzi kei «lu .a'u cu'i la'a ta slàri va'o ro lo re da li'u»
|}

==loi slari vanjba==
(to [[User:Spheniscine|la zipcpi]] cu fanva .i jo'au [[gadganzu]] toi)

ni'o lo lorxu poi xagji co'a sanji lo gunma be lo vanjba poi sai'e se jisra be'o poi ga'usai banro ra'i lo skospa .i le lorxu cu plipe .i ly bikla .i ly cupra lo molylitki jecu plipe tezu'e lo ka jgari lei vanjba .iku'i lau'u na banzu lo nu ly snada lo ka lebna le kukte se jdima 

ni'o fau le nu ly badri le'e nu fliba iau, ly jangalgau je cu cusku, tezu'e lo ka kufrygau vo'a kei, lu «ne'au la'a ro le'i vanjba cu slari a'une'e» li'u

==ke'eu loi vanjba slari==
(to ji'a [[User:Spheniscine|la zipcpi]] cu fanva .i o'i di'e se jbobau da poi mutce lo ka cipra je la'a fange .i jo'au [[Eulojban|.e'uly'ujbang.]] jo'au [[selskiski]] jo'au relyle'ujvo toi)

ni'o lo lorxu xagji co'a sanji lo gunma be lo vanjba se jisra sai be'o poi ga'usai banro ra'i lo skospa .i deu plipe .i deu bikla .i deu cupra lo molylitki jecu plipe tezu'e lo ka jgari teu .iku'i lau na banzu lo nu deu snada lo ka lebna teu neu se jdima kukte

ni'o fau le nu deu badri le'w nw fliba kei, deu jangalgau je cu cusku tezu'e lo kw kufrygasi lu «ne'au la'a ro teu slari a'utei» li'u

==lo slari vanjba==
(to [[User:durka42|la durkavore]] cu fanva .i jo'au [http://selpahi.weebly.com/lojban/how-to-substantially-simplify-the-lojban-connective-system-my-connective-system la .jacus. noi terjonma'o ciste] je lo ga'ezeilerfu basyvla je [[new_soi|lo cnino me zo soi]] toi)

ni'o lo lorxu ca gi xagji gi co'a sanji lo jisryclu vanjba sormei be re'o lo skospa bei ga'u sai
.i L plipe .i L sutra batci
.i soi falpu'u L plipe tezu'e lo nu kuspe V jecuku'i na vanjba cpacu kakne to'eki'unai lo nu troci tankomo

ni'o L badri lo vanjbacau ke vanjbacpa nuntoi jecu ca gi jangalgau gi tezu'e gi sezykufygau gi cusku lu .a'ucu'i la'a V slari fau ro da li'u