piso'i le nolraitru be la nePAL. be'o lanzu cu se catra le nu le seltrucerda be la nePAL. cu norzmi seldanti catra le vo'a rorci .e vo'a kei simlu ca le prula'i jimdei ku la birendras. bir. bikram. noi noltrunau .e la .aicuarias noi noltruni'u .e drata se lanzu cu te facki le za'i morsi .ije la dipendras. noi seltrucerda cu tolsanji .i simlu fa le nu dy terxa'i le se lanzu le norzmi seldanti .ijebazibo dy terxa'i dy .i pu la'edi'u ku la birendras. joi le ri rorci cu darlu be tu'a le du'u makau speni be'o casnu .i pamoi lisri fa le nu by zukte catlu .iku'i la gianendras. noi bruna la birendras. cu xusra le du'u snuti .i ca'o le djedi be li re ku la nePAL. cu cizra fi le nu le nolraitru cu zercatlu gi'e tolsanji .ijebazabo by morsi .ije gy binxo le cabna nolraitru .i le klaji be la katmanDUM. cu kalsa .ije le pulji cu troci le nu gasnu le ka cnici